Жүздөгөн ооган жоокери Тажикстанга чегинди
Дем алыш күндөрү Ооганстандын дагы 400дөй аскери талибдер менен кармаш жүрүп жаткан аймактардан Тажикстанга кире качты. Бул маалыматты Тажикстандын Чек ара кызматы ырастады.
Дем алыш күндөрү Ооганстандын дагы 400дөй аскери талибдер менен кармаш жүрүп жаткан аймактардан Тажикстанга кире качты. Бул маалыматты Тажикстандын Чек ара кызматы ырастады.
Орусияда соңку бир сутка ичинде 25 142 миң адамдан коронавирус табылды. Бул январь айынан берки эң жогорку сан. 4-июлга карата расмий маалыматка ылайык, акыркы 24 сааттын ичинде Орусияда 663 бейтап COVID-19дан көз жумду. Натыйжада Орусияда коронавирустан кайтыш болгон адамдардын жалпы расмий саны 138 миңге чукулдады. Бул аптада Орусияда беш күн катары менен COVID-19дан өлгөндөрдүн саны эң жогорку чекти көрсөтүп жатат. 3-июлда вирус 697 адамдын өмүрүн алганын расмий статистика көрсөткөн. ... Читать дальше...
5-июлда түнкүсүн Ысык-Көл облусунун кээ бир райондорунда өткүн өтүп, күн күркүрөйт, калган аймактарда жаан-чачын жаабайт. Күндүз Талас, Ысык-Көл, Нарын облустарынын кээ бир райондорунда, Чүй, Ош, Жалал-Абад, Баткен облустарынын тоо этектеринде жана тоолуу райондорунда өткүн өтүп, күн күркүрөйт. Өрөөндөрдө жаан-чачын жаабайт. Шамалдын ылдамдыгы секундасына 3-8 метрге жетет. Абанын температурасы: Чүй өрөөнүндө түнкүсүн 18…23, күндүз 35…40; Талас облусунда түнкүсүн 16…21, күндүз 32…37; Баткен... Читать дальше...
Дүйнөлүк басма сөзгө баяндама. 28-июнь - 4-июль, 2021-жыл.
Филиппиндин түштүгүндө аскердик учак кыйрап, андан 29 адам мерт болгону ырасталды. Өлкөнүн армиясынын өкүлү, генерал-майор Уильям Гонзалес билдиргендей, дагы 17 жүргүнчүнүн дайыны чыкпай жатат. 50дөй киши аман-эсен куткарылып, ооруканага жаткырылды. Бортунда 92 адамды салып бара жаткан "Локхид C-130 Геркулес" аскердик учагы 4-июлда баш калаа Маниладан миң чакырым алыстыктагы Холо аралына кыйрап түшкөн. Армиянын маалыматына ылайык, учак аэропорттогу тилкеге коно албай, кайра көтөрүлүп бара жатканда кулаган. Читать дальше...
Бишкек аймактык шайлоо комиссиясы (АШК) шаар кеңешине шайлоого катышып жаткан "Биздин Кыргызстан" партиясына үгүт иштеринде чет өлкөлүк саясий ишмердин сүрөтүн пайдаланганы үчүн эскертүү берди. АШКнын "Азаттыкка" кабарлоосунда, партия бул аракети менен "Жергиликтүү кеңештердин депутаттарын шайлоо жөнүндө" мыйзам долбоорунун 28-беренесин бузган деп табылды. "Биздин Кыргызстан" саясий партиясын шайлоо алдындагы үгүт иштеринде лидери, Жогорку Кеңештин депутаты Айбек Осмоновдун Түркиянын мамлекеттик ишмерлери менен түшкөн сүрөтүн колдонуп... Читать дальше...
Тажикстандын бийлиги 18 жаштан жогорку жарандарды сөзсүз эмдөөдөн өтүүнү милдеттендирди. Өлкөдө эмдөөдө Индияда чыгарылган AstraZeneca, Кытайдын CoronaVac вакциналары колдонулуп жатат. Коронавируска каршы республикалык штаб чет өлкөлөрдөн келген жарандарды ПЧР-тесттин жыйынтыгынан көз карандысыз түрдө 10 күн бою үйдөн чыкпоого чакырды. Штаб ошондой эле аш-тойлордо адамдардын санын чектөөнү сунуш кылды. "Озоди" радиосунун маалыматына караганда, өлкөдө COVID-19 вирусун жуктургандардын расмий саны жогору эмес. Читать дальше...
Кыргызстандын президенти Садыр Жапаров 4-июлда АКШнын президенти Жо Байденди Американын Эгемендүүлүк күнү менен куттуктады. Куттуктоодо Байденге Кыргызстанга киргизилген визалык чектөөлөрдү алып салганы үчүн ыраазычылык билдирди. Садыр Жапаров Кыргызстан мындан ары да АКШ менен кызматташууну чыңдоо жана кеңейтүү үчүн аракеттенерин кошумчалады. 4-июль - АКШнын Эгемендик күнү. 1776-жылдын 4-июлунда өлкө эгемендүүлүгү тууралуу декларация кабыл алынган. АКШнын Мамлекеттик департаменти быйыл март айында 13 өлкөнүн... Читать дальше...
Дарыгерлерди кесиптик майрамы менен мамлекет башчы Садыр Жапаров куттуктап, элдин саламаттыгы үчүн иштеп жаткан кызматкерлердин өздөрүнө бекем ден соолук каалады. Президент ошондой эле COVID-19 илдети тууралуу да кеп кылып, вирус алып келген кризис — саламаттык сактоо жана башка көптөгөн тармактардын кризисине айланганын билдирди. Жапаров саламаттык сактоо тармагын өнүктүрүү, калктын жашоо-шартын жана саламаттыгын жакшыртуу жөнүндө иштер жүрүп жатканын, анын ичинде өлкөдө 14 жаңы медициналык мекеменин 11и курулуп бүтүп... Читать дальше...
Кыргызстан, Өзбекстан жана Тажикстандын өкмөттүк делегациялары Фергана шаарында жолугуп, чек ара маселесин талкуулашты. Сүйлөшүүдө үч мамлекеттин чек ара сызыктарын аныктоо боюнча сунуштар берилди. Аягында тараптар тиешелүү протоколго кол коюшту. Кыргызстандын Министрлер кабинетинин басма сөз кызматы үч тараптын сүйлөшүүсү достук, ынтымак маанайында өткөнүн 3-июлда маалымдады. Ага ылайык, өкмөттүк делегациялардын кийинки сүйлөшүүсү Кыргызстанда өтөт. Бирок Фергана шаарындагы сүйлөшүүлөрдүн жана... Читать дальше...
Украинанын Коргоо министрлиги сайтына өлкө эгемендигинин 30 жылдыгына карата аскер парадына даярдыктан сүрөттөрдү жарыялаган. Анда аскердик окуу жайлардын курсант кыз-келиндери бийик такалуу бут кийим кийип жүрүшкөнү тартылган. Жогорку Раданын вице-спикери Елена Кондратюк жана башка депутаттар бул көрүнүштү кескин сынга алып, Коргоо министрлигинен аскер кыз-келиндерден кечирим суроону жана мындай мамилеге кызматтык иликтөө жүргүзүүнү талап кылышты. Депутат Марина Бардина “Фейсбуктагы” баракчасына... Читать дальше...
Бишкек шаардык мэриясынын маалыматына караганда, кошумча эмдөө түйүндөрү медициналык мекемелерден тышкаркы жайларда ачылат. "Космопарк", "Таш-Рабат", "Балдар дүйнөсү", "Чынар" соода оюн-зоок жайларында жана "Семетей" мектебинде жалпысынан 9 эмдөө түйүнү уюштурулмакчы. Мындан тышкары борбор калаада 118 ыкчам кеңеш берүү кызматынын саны көбөйтүлөт. Учурда шаардагы төрт медициналык мекемеде 12 линия иштеп жаткан болсо, жакынкы күндөрү 20га жеткирилерин шаардык саламаттык сактоо департаменти маалымдады. Читать дальше...
Азербайжан туткундагы 15 армян аскерин мина карталарына алмаштырганын эки өлкөнүн тышкы иштер министрликтери маалымдашты. Азербайжандын Тышкы иштер министрлиги кайтарылып алынган Физули жана Зангилан аймактарындагы танктарга жана жөө аскерлерге каршы миналар коюлган жердин карталарын берүү келишимине Орусия ортомчулук кылгандыгын билдирди. "Адамгерчиликтүү кадам катары Азербайжан тарап Арменияга 15 армян тектүү адамды өткөрүп берди. 1990-жылдардагы кандуу кагылышуу учурунда жер которгон адамдар өз жерлерине кайтып келиши үчүн... Читать дальше...
Ооганстандын түндүгүндөгү талибдер басып алып жаткан аймактардан 300дөн ашуун аскерлер Тажикстанга качып өтүштү. Бул тууралуу Тажикстандын Чек ара кызматы 3-июлда кабарлады. Жоокерлер Тажикстандын Хатлон облусундагы Шамсиддин Шохин районуна качып өтүштү. Ушуну менен Ооган коопсуздук күчтөрүнүн аскерлери акыркы эки жума аралыгында үчүнчү жолу Тажикстанга качып киришти. Маалыматта айтылгандай, кырдаал Ооганстандын түндүк-батышындагы Бадахшан провинциясындагы бир катар айылдарды жана чек ара бекетин талибдер басып алгандан кийин курчуган. Читать дальше...
Жарым финалда Италия менен Испания, Дания менен Англия курама командалары беттешет. Оюндары 6-7-июлда Лондон шаарында өтөт.
“Реформа” партиясы “Биздин Кыргызстан” партиясын административдик ресурс колдонду деген себеп менен шайлоо мыйзамдарына ылайык жоопко тартууну талап кылууда. Мындай мазмундагы арыз менен “Реформа” Бишкек аймактык шайлоо комиссиясына 3-июлда кайрылды. “Реформа” арызында “Биздин Кыргызстан” партиясы Бишкек, Ош шаардык кеңештерге шайлоого жүргүзгөн үгүт иштерине Жогорку Кеңештин депутаты, партиянын лидери Айбек Осмоновду пайдаланганын билдирген. Партиянын лидери Клара Сооронкулова муну административдик ресурс деп сыпаттады... Читать дальше...
Коронавируска каршы республикалык штабдын маалымдашынча, 3-июлда илдеттен 10 адам көз жумду. Анын ичинде 5 адам Бишкекте, Чүй облусунда 2, Жалал-Абад облусунда 2, Нарын облусунда 1 адам катталды. Жалпысынан оорудан көз жумгандардын саны 2037 адамга жетти. Акыркы суткада коронавирус 1401 адамдан табылды. Бишкек шаарында – 907; Ош шаарында 50; Чүй облусунда – 175; Ош облусунда – 20; Талас облусунда – 13; Нарын облусунда – 17; Ысык-Көл облусунда – 32; Жалал-Абад облусунда – 105; Баткен облусунда – 82 адам. Читать дальше...
Болгарияда өткөн турнирде индиялык спортчу Сумит Малик допингге каршы эрежелерди бузганы аныкталган.
Өзбекстанда 24-октябрда президенттик шайлоо өтөт. Анда азыркы мамлекет башчысы Шавкат Мирзиёевге алдын ала шарт түзүлүп, кайра шайланууга жетишкени турат.
"Эже-сиңдилер" телеберүүсүндө парламенттин 6-чакырылышынын ишмердүүлүгү, Жогорку Кеңешке шайлоо боюнча жаңы мыйзам долбоорунун өзгөчөлүктөрү, парламенттеги аялдардын орду тууралуу баарлаштык.