Şri-Lanka: Işden çekilmegi wada beren prezident ýurtdan gaçdy

Şri-Lankanyň prezidenti ýurtdan gaçyp, 13-nji iýulda, işinden çekilmegi wada beren gününde Maldiw adalaryna geldi.

Gotabaýa Rajapaksa, ýurtdaky ykdysady krizisiň çuňlaşmagyna garşy dowam eden nägileliklerden soň, “häkimiýetiň parahatçylykly geçirilmegine ýol arçamak üçin”, wezipesinden çekiljekdigini aýdypdy.

Prezident onlarça müň protestçi Kolombadaky rezidensiýasyny basyp almazyndan biraz öň öz ýasaýan jaýyndan gaçyp çykmaga mejbur boldy.

73 ýaşly Rajapaksa prezident wezipesinde bolsa, tussag edilmezlik hukugyna eýe bolmagynda galýar. Synçylar onuň tussag edilmek ähtimallygy sebäpli, işinden çekilmezinden öň ýurtdan çykmak kararyna gelendigini aýdýarlar.

Geçen hepdäniň ahyrynda, ýüzlerçe müň adamyň Günorta Aziýa döwletiniň paýtagty Kolomboda ýerleşýän hökümet binalaryny basyp almagy bilen, ykdysady krizise garşy protestler ýetjek derejesine ýetdi.