Türkmenistanda ýene ýer yrandy

19-njy iýulda, hepdäniň ikinji güni, ýerli wagt bilen öýlän sagat 4:26-da Türkmenistanyň Türkmenbaşy şäheriniň 147 km demirgazyk-günbatarynda aram ýer sarsgyny boldy diýip, Wolkano diskoweri neşiri habar berýär.


Neşiriň ABŞ-nyň Geologiýa gullugyna salgylanyp beren maglumatyna görä, 4,3 güýjündäki ýertitremäniň çuňlugy 11 km bolupdyr.


Türkmen metbugaty ýurduň çägindäki tebigy hadysalar, şol sanda ýygy-ýygydan bolýan ýer yranmalary, mümkin bolan weýrançylyklar we adam pidalary hakynda hem ilata maglumat bermeýär.