Serdar Berdimuhamedow Gürjüstanyň premýer-ministrini kabul etdi

Türkmenistanyň prezidenti Serdar Berdimuhamedow şu gün Gürjüstanyň premýer-ministri Irakli Garibaşwilini kabul etdi, ol Aşgabada düýn geldi diýip, türkmen mediasy habar berýär.


Gepleşikler wagtynda ikitaraplaýyn gatnaşyklar ara alnyp maslahatlaşyldy, taraplar sebitdäki üstaşyr-ulag gatnawlary boýunça hyzmatdaşlygyň täze mümkinçilikleri boýunça pikir alyşdylar.


Şeýle-de taraplar iki ýurduň Daşary işler ministrlikleriniň arasynda 2023-2024-nji ýyllar aralygynda hyzmatdaşlyk etmek barada baglaşylan ylalaşygyň ähmiýetini bellediler.


Şu ýyl iki ýurduň arasynda ýola goýlan diplomatik gatnaşyklaryň 30 ýyllygy bellenilýär diýip, habarda aýdylýar.