Новости за 28.04.2023

Быел Татарстанның медицина оешмаларына талпан тешләгәннән соң 823 кеше мөрәҗәгать иткән. Бу сан күпьеллык уртача күрсәткечтән биш тапкыр артыграк, дип сөйләделәр Роспотребнадзорның ТР буенча идарәсе матбугат хезмәтендә.

https://tatar-congress.org/

«Урал аръягы татарлары» Курган төбәк иҗтимагый оешмасының идарә рәисе инициативасы белән һәм Бөтендөнья татар конгрессы Башкарма комитеты, Курган өлкәсе Хөкүмәте ярдәмендә 22-26 апрельдә Курган өлкәсендә Татар мәдәнияте көннәре узды. Бу хакта Бөтендөнья татар конгрессының матбугат хезмәте хәбәр итә.

Татар мәдәнияте көннәре 22 апрельдә Шадринск шәһәрендә башланды. Тамашачылар алдында Гөлдания Хәйруллина, Резеда Шәрәфиева, Вәис Бәйрәмов, Алмаз Хасанов, Рөстәм Насыйбуллин кебек җырчылар чыгыш ясады.

9 майда Әгерҗедә татар язучысы Мөхәммәт Мәһдиев әсәре буенча «Без — 41 елның балалары» фильмының премьерасы була. Әгерҗелеләр фильмны «Локомотив» стадионында ачык һавада карый ала.

Түбән Камада юлларны капиталь ремонтлау кысаларында проектларны тикшерү буенча эшлекле киңәшмә узды.

Аксубай районы Карасу авылында яшь гаилә Илзирә һәм Әнвәр Гайнуллиннарның шәхси йортында янгын чыккан. Район башлыгы Камил Гыйльманов һәм урынбасары Илшат Заһидуллин күпбалалы гаиләнең хәлен белергә барды. Район башлыгы үз гаиләсеннән акчала ярдәм һәм өй кирәк-яраклары тапшырды. Бу хакта «Авыл таңнары» сайтында хәбәр ителә.

Лениногорскида яшәүчеләр Бөек Ватан сугышы вакыйгаларына багышланган «Җиңү диктанты» акциясенә кушылды. Шәһәрдә ул бер мәйданчыкта – 4нче мәктәптә үтте. Диктант язарга теләүчеләр арасында укучылар үзләре дә, аларның укытучылары да – тарих һәм җәмгыять белеме педагоглары бар иде. Берничә класс бүлмәсендә 67 өлкән сыйныф укучысы һәм 20дән артык укытучы парта артына утырды.

Татарстанда «Таткультресурцентр» дәүләт учреждениесенең «Татарстан Республикасының чигелгән картасы» проектын тормышка ашыру дәвам итә. Әлеге проект кысасында районнар мөһим объектлар һәм символларны кертеп, үз җирлеге картасын чигә.

Фольклорчы галим Марсель Бакиров "Татар әдәбияты тарихы"ның яңа басмалары "ярым-йорты чикләүләр, фәнни яктан кайтыш хаталы алмаштырулар"дан тора дип саный. Моңарда ул Татарстан фәннәр академиясе вице-президенты Дания Заһидуллинаны гаепли.