Новости за 08.06.2023

Түбән Кама мэры Рамил Муллин рус җәмгыяте активы белән Пушкин скверын төзү буенча эшлекле очрашу үткәрде.

Болгар шәһәре территориясенең бер өлеше Татарстанның Спас районы Приволжский авыл җирлеге составына күчә. Депутатлар ТР Дәүләт Советының 44нче утырышында шул хактагы закон проектын хуплады.

Ел башында Чистайда яшәүче хатын-кыз инвестиция белән шөгыльләнергә карар кылган һәм мошенникларга 2,9 миллион сум акча күчергән. Вәгъдә ителгән табышны алмаячагын аңлагач, ул полициягә мөрәҗәгать иткән.

Россия Президенты ярдәмчесе Андрей Фурсенко фикеренчә, Россия составындагы Татарстан Республикасы ул - төрле карашлар һәм белемнәр тупланган бердәм дәүләт, куәтле икътисад барлыкка килү үрнәге.

Татарстан Премьер-министры урынбасары Ләйлә Фазлыева соңгы өч елда Татарстанда 26 мәктәп һәм 48 балалар бакчасы төзелүен, быел 11 мәктәп һәм дүрт балалар бакчасы төзеләчәген әйтте.

Ленинград өлкәсенең Тосно шәһәрендә Сабантуй быел 17 июнь көнне Шапки бистәсе, Нестеров күле ярында узачак. Бу хакта Татарстанның Санкт Петербург шәһәре һәм Ленинград өлкәсендәге даими вәкиллеге хәбәр итә.

Татарстан башкаласы мэры һәм БМОның Җирле үзидарә мәсьәләләре буенча консультатив комитеты (UNACLA) президенты Илсур Метшин бүген Кения башкаласы Найробида Җирле һәм төбәк хакимиятләре бөтендөнья ассамблеясе (ВАМРВ) съезды ачылышында чыгыш ясады. Бу хакта Казан мэриясенең матбугат хезмәте хәбәр итә.

Казанда татар телен өйрәнү һәм татар мәдәниятен үстерүгә багышланган «Үз телем» бәйгесенә гаризалар кабул итү төгәлләнүгә бер ай вакыт калып бара. Конкурста Казан мәктәпләре укучылары (5-11 сыйныфлар) һәм Казанда яшәүче 35 яшькә кадәр яшьләр катнаша ала. Гомуми приз фонды – ике миллион сум.

Татарстан Республикасы Рәисе Рөстәм Миңнеханов бүген «Транснефть – Прикамье» акционерлык җәмгыяте генераль директоры Олег Балабанов белән очрашты. Бу хакта республика җитәкчесе матбугат хезмәте хәбәр итә.

Бүген коткаручылар Татарстанның Алексеевск районында, Кама елгасында ир-ат мәетен тапкан. Ул балык тоткан вакытта суга батып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Татарстан Рәисе Рөстәм Миңнеханов «Газпромбанк» идарәсе рәисе урынбасары Тигран Хачатуров белән очрашты.

Кичә Лаеш районы Атабай авылында Кәрим Тинчурин исемендәге Татар дәүләт драма һәм комедия театры ТАССРның халык артисты Гата Нуруллинны искә алды. Исән булса, аңа быел 100 яшь тулган булыр иде.

Катар — Россиянең Якын Көнчыгышта мөһим һәм ышанычлы партнеры булып тора. Бу хакта Татарстан Республикасы Рәисе Рөстәм Миңнеханов Катарның мәгариф һәм югары белем министры Бусейна Әл-Нуайми белән очрашуда әйтте. Республика җитәкчесе матбугат хезмәте шул хакта хәбәр итә.

Россия мәгариф министры Сергей Кравцов әйтүенчә, чит илләрдә илкүләм һәм Россия мәгарифе стандартлары буенча эшләүче мәктәпләр ачыла.

Хургада курортында акула һөҗүменнән һәлак булучының Россия кешесе икәнлеге ачыкланган. Бу хакта РИА Новости агентлыгы хәбәр итә.

Россия мәгариф министры Сергей Кравцов Казанда Бәшир Рәмиев исемендәге «ИТ-парк»та «Киләчәкне формалаштыру» Халыкара мәгариф министрлары форумының пленар утырышында Россия мәгариф системасы кысаларында гамәлгә ашырылган уңышлы проектларны тәкъдим итте.

Татарстанда республиканың даими эшләүче мөстәкыйль дәүләт органы буларак Конституция советы оештырылачак. Депутатлар алтынчы чакырылыш Дәүләт Советының 44нче утырышында шул хактагы закон проектын кабул итте.

Татарстан Рәисе Рөстәм Миңнеханов Идел буе федераль округы төбәк башлыкларының медиарейтингында, май ае йомгаклары буенча, бер урынга күтәрелеп, 3нче урынны алды. Губернаторларның һәртөрле медиакиңлекләрдә искә алыну ешлыгын «Медиалогия» компаниясе исәпләп чыгарган.

Татарстан Республикасы Рәисе Рөстәм Миңнеханов Берләшкән Гарәп Әмирлекләренең Мәктәп мәгарифе мәсьәләләре буенча оешма генераль директоры Мөхәммәт Әл-Касыйм белән очрашты. Очрашу мәгариф министрларының «Киләчәкне формалаштыру» халыкара форумы кысаларында узды. Бу турыда республика җитәкчесенең матбугат хезмәте хәбәр итте.

Татарстан Республикасы Рәисе Рөстәм Миңнеханов Казанда «Киләчәкне формалаштыру» халыкара мәгариф министрлары форумында кунакларга Татарстанның мәгариф тармагы турында сөйләде.

«Татаркино» мәдәният учреждениесе үзенең рәсми сайтында «Онлайн кинотеатр» кушымтасында Татарстанда төшерелгән фильмнарны урнаштырды.  Хәзер аларны ирекле рәвештә карап була.

ТР Дәүләт Советы «Республика Татарстан» газетасының баш мөхәррире вазифасына «Татар-информ» агентлыгы шеф-редакторы Алексей Угаров кандидатурасын хуплады. Әлеге карар VI чакырылыш республика парламентының 44нче утырышында кабул ителде. Депутатлар тәкъдим ителгән кандидатура өчен бертавыштан тавыш бирде. 

Специалисты будут консультировать граждан 9 июня с 13 до 15 часов.

Старое Тлякеево (Иске Теләкәй авылы) — село в Актанышском районе Республики Татарстан Российской Федерации. Административный центр Тлякеевского сельского поселения и расположено в Восточном Закамье на реке Шабиз, в 9,6 км к западу от районного центра, села Актаныш. Топоним произошёл от… Далее

Киләсе эш атнасы дүрт көнгә кадәр кыскарачак. Өстәмә ял 12 нче июньдә – Россия көнендә булачак.