Новости за 16.06.2023

Түбән Камадан Белгород өлкәсенә гуманитар йөкнең беренче партиясе җибәрелде. Бу эшне оештыруда «Бердәм Россия» партиясенең Түбән Кама җирле бүлеге секретаре Рамил Муллин, Түбән Кама шәһәр Советы Бердәм Россия депутатлары фракциясе җитәкчесе Марина Камелина, партия активы, яшь гвардиячеләр һәм волонтерлар катнашты. Бу хакта Түбән Кама муниципаль районы рәсми сайтында хәбәр ителә.

Казан Кремленең Гавәми урыннар ишегалдында балалар һәм яшүсмерләр өчен «Туган тел» спектакле тәкъдим ителәчәк. Аны Кәрим Тинчурин исемендәге дәүләт драма һәм комедия театры артистлары күрсәтә. Бу хакта Бөтендөнья татар конгрессының матбугат хезмәте хәбәр итә.

Россиядә хезмәт турындагы законнар эш графигын сыгылмалы итәргә, шул исәптән, хезмәткәр һәм эш бирүче ризалашса, эш атнасын алты көнгә кадәр озайтырга мөмкинлек бирә. Бу хакта Россия Хезмәт һәм социаль яклау министрлыгы башлыгы Антон Котяков хәбәр итте. Ведомство алты көнлек эш атнасын Хезмәт кодексына рәсми рәвештә кертергә планлаштырмый. Бу хакта ТАСС яза.

Бүгенге көндә Бөек Ватан сугышы - илебез тарихындагы иң канкойгыч сугыш вакыйгаларын истә тоту һәм белү бик мөһим. Бу хакта Татарстан Республикасы Рәисе Рөстәм Миңнеханов Татарстан Республикасы Хөкүмәте Йортында бүген узган республика киңәшмәсендә әйтте. Республика җитәкчесенең матбугат хезмәте шул хакта хәбәр итте.

«UNIVER TV» телеканалының баш мөхәррире Илдар Кәримов һәм Казан федераль университеты (КФУ) телеканалының кайбер хезмәткәрләре үз вазифаларыннан китәчәк, дип хәбәр итә «Татар-информ» чыганаклары.

Петербург халыкара икътисади форумы кысаларында Татарстан хезмәттәшлек турында 11 документ имзалады. Моннан тыш, инвестицион климат торышы рейтингы нәтиҗәләре буенча республика, Мәскәүдән генә калышып, икенче урынны алды. Исемлек форум барышында әйтелде. Бу хакта Татарстан Республикасы Хөкүмәте Йортында узган киңәшмәдә республика Рәисе Рөстәм Миңнеханов сөйләде.

Казанда Сабантуй үткәргәндә иминлек мәсьәләләренә аерым игътибар бирергә кирәк. Бүген бу хакта Татарстан Республикасы Рәисе Рөстәм Миңнеханов Татарстан Республикасы Хөкүмәте Йортында узган республика киңәшмәсендә әйтте. Республика җитәкчесенең матбугат хезмәте шул хакта хәбәр итте.

Демографик сәбәпләр аркасында Россиядә хезмәт базарында тәкъдим чикле булачак. Шуңа бәйле рәвештә сәнәгатьтә, авыл хуҗалыгында, транспортта һәм логистикада һәм сәүдәдә автоматизация мәсьәләсе кискен барлыкка килә. Бу хакта Петербург халыкара форумының пленар утырышында Россия Президенты Владимир Путин белдерде.

21 июньдә Мәҗит Гафури исемендәге Башкорт дәүләт академия драма театры 103 нче иҗат сезонын «Кодача» музыкаль комедиясе белән яба (Баязит Бикбай, Заһир Исмәгыйлев). «Башинформ» шул турыда яза.

17 июньдә Ульяновскиның «Җиңү» ял паркында һәм шәһәр ипподромында өлкә Сабан туе була. Бу турыда «Өмет» газетасы телеграм-каналында хәбәр итә.

Киләсе биш елда Россия сәүдә флотын яңартачак. Бу хакта XXVI Петербург халыкара икътисади форумының пленар сессиясендә Россия Президенты Владимир Путин белдерде.

Россия Президенты Владимир Путин Петербург халыкара икътисади форумында һәркемгә дә сәламәтлек һәм байлык теләде. Бу хакта «РИА Новости» яза.

Шимбә көнне, 17 июньдә, Татарстан территориясендә коры һәм җилле һава торышы көтелә. Бу хакта республиканың Гидрометеорология үзәге хәбәр итә.

Россия законнарына өлешчә мәшгульлек төшенчәсен теркәргә кирәк. Бу хакта XXVI Петербург халыкара икътисади форумының пленар сессиясендә Россия Президенты Владимир Путин белдерде.

Россиядә эшсезлек дәрәҗәсе 3,3 процент тәшкил итә. Бу хакта Россия Президенты Владимир Путин Петербург халыкара икътисади форумының пленар утырышында әйтте.

С 15 по 23 июля в городе Болгар пройдет большой недельный фестиваль «Возрождение: Эпос в современном прочтении».

Социаль ярдәм чаралары, беренче чиратта балалы гаиләләр өчен, гаиләләрнең керемен арттыруга комачауларга тиеш түгел. Гражданнарның эш эзләү өчен стимулы булырга тиеш, шул исәптән хезмәт хакын күбрәк түли торган урынны. Бу хакта Петербург халыкара форумының пленар утырышта Россия Президенты Владимир Путин белдерде.

2024 елның 1 гыйнварыннан Россиядә минималь хезмәт хакы 18,5 процентка артачак, бу хезмәт хакы һәм инфляция үсеше дәрәҗәсеннән күпкә югарырак. 2030 елга бу күрсәткеч кимендә ике тапкыр артырга тиеш. Бу хакта Петербург халыкара икътисади форумының (ПМЭФ-2023) пленар утырышында Россия Президенты Владимир Путин белдерде.

Аның әйтүенчә, "җәмгыятьнең бер өлеше сугыш кырында һәр көн гомерен куркыныч астына куя", ә икенче өлеше "берни булмагандай кылана".

Былтыр Россиядә фәкыйрьлек чигеннән 1,7 миллион кеше чыкты, ә фәкыйрьлек дәрәҗәсе ике урынлы саннан түбәнрәк төште – 9,8 процент. Бу хакта Петербург халыкара икътисади форумының пленар утырышы ачылышында Россия Президенты Владимир Путин белдерде.

https://tatcentr12.ru/

15 июнь көнне Йошкар-Ола шәһәренең Җәмигъ мәчетендә, мөселман лагере тәрбияләнүчеләре өчен Республика татар мәдәнияте үзәге хезмәткәрләре татар мәдәнияте, милли аш-су һәм милли уеннар турында дәрес үткәрделәр. Бу хакта Марий Эл Республикасының «Республика татар мәдәнияте үзәге» дәүләт автоном мәдәният учреждениесе хәбәр итә. 

Балалар татар мәдәнияте, милли аш-су һәм балалар уеннары белән таныштылар. Асфальтта рәсемнәр конкурсы үткәрелде һәм балалар татар... Читать дальше...

Петербург халыкара икътисади форумының пленар сессиясе ачылышында Россия Президенты Владимир Путин белдерүенчә, Россия Федерациясендә инфляция көнбатыштагы күп кенә илләрнекенә караганда түбәнрәк һәм тарихи минимумга якын. Бүген ул 2,9 процент тәшкил итә.

Түрәләр хезмәтне язуның кирәген тапмаган, галимнәр финанс кыенлыкларга тап булган.

Республиканский конкурс «Лучший билингвальный детский сад» завершился торжественной церемонией награждения победителей.

Режиссер Рәшит Заһидуллин Чехов исемендәге Таганрог театрында спектакль чыгара. Премьера 17 һәм 18 июнь көннәрендә көтелә.