Рөстәм Миңнеханов Татарстан Инвестиция советы утырышын уздырды

Бүген Татарстан Республикасы Рәисе Рөстәм Миңнеханов Татарстан Республикасы Инвестиция советы утырышын уздырды. Чара ТР Хөкүмәте Йортында узды. Утырышта катнашучылар 9 проектны хуплады. Бу турыда Татарстан Рәисенең матбугат хезмәте хәбәр итә.

«Кукмара сөт комбинаты» сыр җитештерү заводы төзү проектын тәкъдим итте. Тәүлегенә 500 тонна сөт эшкәртеләчәк. Чималның 60 процентын Кукмара фермерлары китерәчәк. Елына 1800 тоннага кадәр продукция җитештерү планлаштырыла. Олы Кукмара авылында оештырылачак яңа җитешетерүдә 250 эш урыны булдырылачак.

«Эшлекле линияләр» яңа транспорт комплексының инвестпроектын «Ромекс GROUP» ГК президенты Алексей Прокопенко тәкъдим итте. Транспорт комплексының планлаштырылган йөк әйләнеше стеллаж саклау тәүлегенә 15000 тонна һәм идән саклау тәүлегенә 15000 тонна. Машиналар саны тәүлегенә 130 зур йөк һәм 80 аз тоннажлы автомобиль тәшкил итәчәк. Эшкәртелә торган йөк саны аена 25 мең тоннага кадәр. Проектны Яшел Үзән районында «Тура 2.0» индустриаль паркында тормышка ашыру планлаштырыла.

«R1» дәүләт корпорациясе генераль директоры Дмитрий Реутт Яшел Үзән районында «Дружба» индустриаль паркы төзелеше проектын тәкъдим итте. Кече, урта һәм эре эшкуарлыкның җитештерү биналарын урнаштыру өчен мәйданчык булдыру күздә тотыла. Проект кысаларында территорияне үстерү өчен кирәкле инфраструктура булдыру белән мәйданчыкны заманча төзекләндерү планлаштырыла (шул исәптән офис биналары һәм белгечләрнең вакытлыча яшәү урыннары, парковка зонасы һ.б. төзү).

«Тимфорс» компаниясе тиз үсештә булган «Зеленодольск» сәнәгать паркы фонында парк эшчеләре өчен кунакханә комплексы булдыру буенча инвестиция проектын гамәлгә ашырырга планлаштыра. Проект 3 йолдызлы дүрт катлы кунакханә төзүне, шулай ук хостель тибындагы кунак номерларын күздә тота. Отель 200 урынга исәпләнгән. Моннан тыш, Йөк автомобильләре өчен парковка һәм автомобиль юу оештырылачак.

«Түбән Кама» сәнәгать паркының алга таба үсеше турында сәнәгать паркының идарәче компания директоры Константин Пучкин хәбәр итте. Паркның хәзерге территориясе бүген тулысынча тутырылган һәм хәзерге вакытта 3 нче чиратны булдыру буенча эш башланган. 26,4 гектар мәйданлы җир кишәрлеге билгеләнгән, ул гамәлдәге территориягә якын урнашкан. Алдан исәпләүләр буенча, ул 1 млрд сумнан артык инвестицияләр көтелә һәм 300 яңа эш урыны булдырыла торган 12 компания-резидент урнаштыра алачак. Реализацияләү срогы - 2023-2026 еллар.

«Газ турбинасы җайланмалары заводы төзү» проекты турында компанияне оештыручы Никита Мартелов сөйләде. «ДМЭнерджи» - 2011 елдан газ турбинасы җайланмалары сервисында һәм тәэмин итүдә махсуслашкан Россия инжиниринг компаниясе. Проект кысаларында 2027 елга кадәр 13 мВт егәрлекле газ турбиналарын агрегатлаштыруны үзләштерү каралган. Эш урыннары саны 2025 елга кадәр 70 кеше тәшкил итәчәк, аннан соң елына 20 эш урыны артачак. Мәйданчыкны Яшел Үзән машиналар төзү заводы янында урнаштыру планлаштырыла.

«Полюс» сәнәгать паркының идарәче компания җитәкчесе Артем Ананченко сәнәгать паркын киңәйтү проектын тәкъдим итте. «Полюс» сәнәгать паркы ТР Икътисад министрлыгы каршында 2022 елда аккредитацияләнгән. Яшел Үзән районында урнашкан. Бүгенге көндә 4 компания резидент булып тора. 307 эш урыны булдырылган. Сәнәгать паркын киңәйтү кирәклеге булган мәйданнарның тулысынча тулуына һәм яңаларына ихтыяҗ булуга бәйле.

«ТЭСК» компаниясе Чаллыда автомобиль юлларын төзегәндә һәм ремонтлаганда кулланыла торган асфальт-бетон катнашмалары җитештерүне оештырырга планлаштыра. Барлыгы 71 эш урыны булдырылачак. Төп сату базары - Татарстан Республикасы, аерым алганда, Кама агломерациясе.

Шулай ук Чаллы нефть җайланмалары заводын төзү урыны итеп сайланган. «Каманефтемаш» компаниясе проектны гамәлгә ашыру кысаларында 140-250 тонналы мобиль бораулау җайланмалары, стационар бораулау җайланмалары, насос блоклары, бораулау эремәсен чистарту системалары, скважиналарны үзләштерү өчен күтәрү агрегатлары җитештерү планлаштырыла. Яңа эш урыннарының гомуми саны 117 берәмлек.