КФУ кабул итү комиссиясендә абитуриентларның хаталары турында сөйләделәр
КФУның абитуриентларны кабул итү өчен җаваплы хезмәткәрләре югары уку йортына кергәндә нинди хаталардан сакланырга кирәклеген сөйләделәр.
Психология һәм мәгариф институты хезмәткәре Нарине Путулян абитуриентларның еш кына документларын шәхси кабинетка йөкләүдә ялгышуларын әйтте.
«Документларның барлык оригиналын да тулысынча йөкләмиләр. Паспорт, мәсәлән, төп бит һәм прописка бите булган бер PDF-файлда булырга тиеш», – дип аңлатты белгеч.
Ул шулай ук еш кына югары уку йортына керергә теләүчеләр паспортның беренче битләрен генә беркетәләр, мондый документ кабул ителми һәм төзәтеп җибәрү өчен кире кайтарыла, диде.
Шулай ук абитуриентларга югарыда әйтелгән институтның укыту-методик эш буенча белгече Анна Дружинина үз тәкъдимнәре белән уртаклашты. Ул БДИны яхшы тапшырган укучыларның күбесе нәтиҗә өчен бик нык борчылалар, диде.