د دې اوونۍ په "هارون باچا هنري ګړۍ" کې مو سندرغاړی جلال خان یوسفزی مېلمه دی. نوموړی د خیبر پښتونخوا د صوابۍ اوسېدونکی دی، د پېښور له اېډورډز کالج او پوهنتونه یې زده کړې دي او د سندرو ویلو تر څنګ په اسلام اباد کې وکالت هم کوي. په خپرونه کې له یوسفزي سره د هغه پر ژوند او هنر غږېدلي یو او سندرې یې هم درخپروو. بشپړه خپرونه واورئ.
په اردن کې ښځینه موسیقارانو او سندرغاړو د نایا په نوم د موسیقۍ بینډ یا ډله جوړه کړې ده. دوی د موسیقۍ له لارې د ښځو د ځواکمنولو هڅې کوي. هغې ډلې په عربي او اروپايي هېوادونو کې د موسیقۍ پروګرامونه کړي دي. د رویټرز اژانس له ویډیو جوړ رپورټ.
د طالبانو د حکومت ویاند ذبیح الله مجاهد د اګست پر اتمه په بیان کې ویلي دي چې د پاکستانیو چارواکو تورونه ردوي او هغوی ته یادونه کوي افغانستان په خپله له جګړو وتلی هېواد دی او په بل هېڅ هېواد، په ځانګړې توګه په ګاونډيو هېوادونه، کې ناامني نه غواړي.
د کراچۍ په سهراب ګوټ کې ګڼو پښتنو کاروباریانو او فعالانو د اګست پر نهمه د خیبر پښتونخوا د یو وکیل حکمت الله مسید د تښتونې پرضد پرلت وهلی دی. دوی وايي، نوموړی د جولای پر ۱۷مه د سیند په کندکوټ کې غلو تښتولی دی او له کورنۍ یې د کروړونو روپیو تاوان غواړي. د سیند حکومت د تازه احتجاجي ناستې په اړه څه نه دي ویلي خو تر دې مخکې یې ټینګار کړی دی چې د غلو پرضد یې عملیاتو ته دوام ورکړی دی او د حکمت الله مسید په ګډون ټول تښتول شوي کسان ازادوي. ویډیويي رپورټ.
په هند کې په سېپټېمبر مياشت کې د نړۍ د ۲۰ پرمختللو هېوادونو يا جې ۲۰ سرمشريزه کېږي. په دې لړ کې حکومت په پلازمېنه نوي ډيلي کې يو لړ ګامونه پورته کړي چې يو په کې د کوڅو سپي نيول هم شامل دي. د ښار اوسېدونکی وايي، حکومت هڅه کوي چې د هند ناپاکې برخې پټي کړي. ويډيو: فرانس پرېس اژانس
د پاکستان له ایین سره سم، پخوانی وزیراعظم او په اسمبلۍ کې د مخالفه ګوندونو پخوانی مشر باید په درو ورځو کې د لنډمهالي وزیراعظم پر نوم سلا شي.