Новости за 27.08.2023

د روسیې د پلټنو کمېټۍ د اګست پر ۲۳مه د الوتکې پرېوتو په پېښه کې د واګنر ملېشې د مشر اېوګېني پرېګوژېن مړینه تایید کړې ده. کمېټۍ د اګست پر ۲۷مه وویل چې د شخصي جېټ الوتکې پرېوتو په پېښه کې یې د ۱۰ واړه وژل شویو کسانو پېژندګلوي کړې چې د مساپرو له هغه لېسټ سره سم دی چې چارواکو مخکې اعلان کړی وو. دا په داسې حال کې ده چې د روسیې ولسمشر ولادیمیر پوتین د اګست پر ۲۴مه د اېوګېني پرېګوژېن او نورو وژل شویو کسانو له کورنۍ سره خواخوږي وښوده. خو پر دې سربېره د روسیې چارواکو په پېښه کې د ۶۲ کلن پرېګوژېن مړینه نه... Читать дальше...

د سيند نګران حکومت تر اوسه په دې اړه څه نه دي ويلي خو د ماړيپور یو لوړپوړي پولیس چارواکي فيضان علي د اګست ۲۶مې پر ماخوستن مشال راډيو ته وويل چې مظاهرچیانو د کراچۍ بندر ته تلونکی سړک تړلی وو نو ځکه پولیس ورغلل چې لاره پرانیزي.

د امریکا د عدلیې وزارت د اګست پر ۲۵ پر خپله ووبپاڼه لیکلي چې د عدالتي اسنادو له مخې، ۳۱ کلن محمد مسعود په پاکستان کې د طب ډاکټر وو او پخوا یې د مېنېسوټا ایالت په راچسټر ښار کې په یو کلېنېک کې د څېړنو د همغږي کوونکي په توګه کار کاوه او په امریکا کې په کاري ویزه اوسېده.

په خوست کې د طالبانو د حکومت د ښاروالۍ چارواکي وايي، هلته د ملګرو ملتونو په مرسته د بیارغونې ۱۷ پروژې روانې دي چې پکې سلګونه کسانو ته د کار زمینه برابره شوې ده. دوی وايي، په هره پروژه د څه د پاسه یو لک امریکايي ډالرو لګښت راځي. دا په داسې حال کې ده چې دوه کاله مخکې پر افغانستان د طالبانو له واکمنېدو راهیسې له هغه هېواد سره نړیوالې مرستې کمې شوې دي او اقتصاد یې خراب شوی دی چې له کبله یې بې کاري زیاته شوې ده. ویډیويي رپورټ.

د اګست ۲۷مې بیړنۍ غونډه پر داسې مهال کېږي چې په تېرو ورځو کې د بجلۍ لوړو بیو پر ضد د پاکستان په بېلابېلو ښارونو کې مظاهرې شوې دي او په ځینو ځایونو کې خو خلکو احتجاجاً بېلونه هم سوځولي دي.

د شانګلې او بټګرام د يوه کلي ترمینځ د سيند پر سر زانګو (چېیر لېفټ) د تګ راتګ لپاره استعمالوونکې وايي چې بهر ته تلو لارې نه شته او یوازې زانګو يې د تګ راتګ مهمه وسيله ده. د بټګرام په الايي سيمه کې د اګست پر ۲۲مه په زانګو (چېیر لېفټ) کې د سکول زده کوونکو د بند پاتې کېدو تر پېښې وروسته د خيبر پښتونخوا حکومت په ټوله صوبه کې د زانګوګانو پر استعمال بنديز لګولی دی. ویډیويي رپورټ.