د چارسدې یو اوسېدونکی ابراهیم کاکا وايي، د ۱۹۴۸ز کال د اګست پر ۱۲مه په بابړه کې د خدايي خدمتګارو تحریک ګڼو غړو او پلویانو د خان عبدالغفار خان باچا خان د زنداني کېدو ضد مظاهره کوله چې د هغه وخت صوبايي حکومت امنیتي سرتېرو ورباندې ډزې وکړې او لسګونه کسان یې ووژل. عوامي نیشنل ګوند هر کال د اګست پر ۱۲مه د هغې پېښې د ښکار شویو د یادولو ورځ لمانځي. نور په ویډیويي مرکه کې.
د پښتنو نجونو او ښځو ستونزو په اړه د "نوې نړۍ" خپرونې په دې برخه کې د ښځو پر ژوند د سورې پر اغېز غږېدلي یو. د پښتنو په ځینو سیمو کې د یو کس تر وژنې وروسته د راضي نامې او یا هم د دښمنۍ ختمولو لپاره د پړ یا ملامته کس کورنۍ خپله نجلۍ مخالف لوري ته ورکوي او هلته یې ودوي. له دې سره دښمني ختمه شي خو نجلۍ اکثر د ټول عمر له کړاو سره مخامخېږي. بشپړه خپرونه واورئ.
د خيبر قومي او سياسي اتحاد په نوم د یوشمېر ګوندونو او ډلو اېتلاف په احتجاجي جلسه کې له حکومته غوښتنه کړې ده چې هلته دې د خلکو ژوند او مال خوندي کړي. د اګست پر ۱۲مه په باړه کې د امن لپار جلسه پر داسې مهال شوې چې په وروستیو کې په خیبر کې پر امنیتي سرتېرو یوشمېر حملې شوې دي. د پاکستان حکومت او پوځ وايي، د سیمې امنیت ته ژمن دي او د وسلوالو ضد یې اقداماتو ته دوام ورکړی دی. د خیبر پښتونخوا پولیس وايي، په خیبر کې یې د وروستیو حملو په تړاو یوشمېر مشکوک وسلوال نیولي دي. ویډیويي رپورټ.
په ګوادر کې دا برید پر داسې مهال شوی دی چې تر دې مخکې د اګست پر نهمه او اتمه د بلوچستان په درو سیمو کوټې، قلات او ژوب کې په حملو او په نښته کې دوه سرتېري او درې مشکوک وسلوال ووژل شول او یوشمېر کسان ژوبل شول.
د تحریک انصاف مرستیال مشر شاه محمود قریشي د اګست پر ۱۲مه په ویډیويي بیان کې هیله ښوولې چې لنډمهالی وزیراعظم به راڼه انتخابات کېدل باوري کړي. "هغه ته لویه ذمه واري سپارل شوې ده. دا مسوولیت په ملک کې د شفافو او له درغلیو د پاکو انتخابات کول دي. موږ غواړو چې په هېواد کې پر ټاکلي وخت انتخابات وشي."