Новости за 08.05.2021

ТIаьххьарчу дийнахь-буса Къилбаседа Кавказехь COVID-19 цамгар кхетта хиларца билгалбевллачу нахах велла 25 пациент, и цамгар карийна кхин а 298 стагехь. Оперативан штабан хаамашца, Краснодар-махкахь 12 дархо велла, Ставропол-махкахь – пхиъ, Дагестанехь - кхоъ, ГIебарта-Балкхарочйохь - а, ГIалмакхойчохь а, Кхарачой-Чергазийчохь а, ГIалгIайчохь а, Нохчийчохь а - цхьацца велла. Пандеми кхайкхийчхьана схьа Къилбаседа Кавказехь уьнах велла 9 487 стаг. Краснодар-махкахь бу дархой массанхьачул дукха, кIезиг бу уьш Адыгейхь а. Читать дальше...

Кавказан къаьмнийн культуран а, спортан а Фестиваль дIаяхьа делла ахча, цо шена дитина аьлла, шеконаш кхоллаелла талламчийн ГIалгIайчуьрчу спортан министраллан белхахочух. "Кавказский узел" агенталло яздарца, 2015-чу шарахь Дагестанехь дIаяхьа леринчу фестивальна хьажийна хилла 930 эзар сов сом ду дуьйцург. Ахча дайина хилар гучудаьалла ГIалгIайчуьрчу чоьхьарчу гIуллакхийн экономикан кхерамзаллан коррупцица къийсам латточу урхаллан а, къайлахчу сервисийн белхахошна а. Спортан министраллан белхахочо... Читать дальше...

ГIалгIайчуьрчу адвокатна Беков Мохьмадна а, оппозиционерна Хазбиев Мохьмадна а ша чIир а кхайкхош, кхерамаш тийсарх тоьшаллаш даладе шена аьлла, дIахьедина Нохчийчоьнан парламентан куьйгалхочо Даудов Мохьмада. Кху деношкахь социалан машанашкахь а, хаамийн гIирсашкахь а цхьана даьржира, парламентан спикера Даудов Мохьмада кхерамаш а туьйсуш, чIир хьейина ГIалгIайчуьрчу шина вахархочунна, бохуш. ПIерасканан дийнахь пандемица къийсам латточу оперативан штабан кхеташо йирзинчул тIаьхьа "Чечня Сегодня"... Читать дальше...

Дуьненаюкъарчу бакъоларъяран Amnesty International юкъаралло дIахьедина, Навальный Алексей политикан тутмакх хилар шаьш юха а тIечIагIдина аьлла. Чиллан-баттахь оцу статусах ваьккхинера иза, цо яхначу заманчохь шен къамелашкахь "мостагIалла даржон мотт" бийцарна. Хан-зама яьлча цуьнан хьежамаш а, лелар а хийцадала тарло аьлла, гIалатах кхетта уьш. Организацин сайтерчу дIахьедарехь аьлла ду, Навальныйн статус тIечIагъярца Amnesty International юкъаралло билгалдоккхуш хиларх, цуьнан бакъонаш ларъян езаш хилар. Читать дальше...