Новости за 19.02.2021

Гәдоуҭа ақалақь аҿы жәабран 19 ахәылԥаз зымҽхак ҭбааз абылра ҟалеит, уи иахҟьаны аԥсыҭбарақәа ҟалеит.

Амашәыр ҟалеит жәабран 19 ахәылбыҽха Гәдоуҭа ақалақь Очамчыратәи амҩаҿы.

Адгьылхархәареи акадастри рзы аусбарҭа аиҳабы Адамыр Аҳәба арадио Sputnik аефир аҟны еиҭеиҳәеит Тҟәарчал араион аҟны адгьылҳәазара зыхҟьаз, иазгәеиҭеит уи аанкыларазы Аԥсны адагьы Урыстәыла алшара рымамзар ҟалоит ҳәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12671-ҩык ыҟоуп, ргәы бзиахеит 11947-ы, рыԥсҭазаара иалҵит 195-ҩык.

Есма Арџьениаԥҳа амилаҭтә чыс аҟаҵара дазҟазоуп. Лара иаҳлырбеит аԥсуаа жәытә-натә аахыс реишәа иқәырҵоз ахаа – ақалмышь аҟаҵашьа.

Аԥснынтәи Урыстәылаҟа ацитрусқәа рекспорт иалагеит жьҭаарамзазы, уахыки-ҽнаки рыла 1000 тонна рҟынӡа аҳәаа иахыргон.

Амоноспектакль "Ацынҵәарах" ықәыргылоп Аурыс драматә театр аҟны. Ароман автор ашәҟәыҩҩы, Аԥсны жәлар рпоет Баграт Шьынқәба имоҭа, ауаажәларратә усзуҩы Леуан Миқаа игәаанагара иҳәеит ақәыргыламҭа азы.

Зхәыҷаахыс ихымхәоу рзы ареабилитациатә центр аадыртит Цандрыԥшь ақыҭан ԥхынҷкәын 25 рзы, аха апандемиа иахырҟьаны уи ауаа аднакыломызт.

Мгәыӡырхәа ақыҭан инхо Инал Еныкь арадио Sputnik аефир аҿы еиҭеиҳәеит мызкы аԥхьа иҟалаз абылра ашьҭахь хыҵакырҭас ирымоу, рыҩны аиҭашьақәыргыларазы аусқәа ахьынӡанагоу.

Астатистикатә дыррақәа рыла Аԥсны амҩатә машәырқәа ирыхҟьаны 2020 шықәсазы иҭахеит 57-ҩык, 2019 шықәсазы – 56-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12650-ҩык ыҟоуп, ргәы бзиахеит 11901-ы, рыԥсҭазаара иалҵит 195-ҩык.

Абзазаратә црыҵқәа рполигон апроект аус адырулон аԥсуа ҟазауааи Ростовтәи апроекттә институт аҟазауааи.

Жәабран 18 рзы амультимедиатә пресс-центр Sputnik аҟны иӡырган Аԥсны арҵаҩцәа рассоциациа асаит. Апроект автор, аицлабра "Аԥсны агәадура" аҟны аиааира згаз Алаҳаӡытәи абжьаратә школ адиректор Саид Беиа арадио Sputnik аефир аҟны еиҭеиҳәеит асаити уи ацҵеи рхықәкы атәы.