Новости за 15.10.2018

Нурмагомедов эки күн мурда Мейвезерге видео кайрылуу жасап, ал экөө тең жеңилбес спортчу экендигин белгилеген.

Техника, машина курууну жакшы түшүнгөн жаштар элетте өкмөттөн колдоо күтүп жүрүшөт. Кажы-Сайдагы ачылган сүрөт музейи дүйнөнүн төрт тарабынан белгилүү сүрөтчүлөрдүн эки миңден ашуун эмгектерин топтоду. Сегиз неберени жалгыз тарбиялап, миграциядагы балдарына көмөк берген эненин таржымалы. Баткенде футбол боюнча Фергана өрөөнүнүн кубогун Оштун жана Хоженттин командалары жеңип алды. "Данисте" берүүсүнүн бул жолку чыгарылышында ушул темадагы баяндарды сунуштайбыз.

Бишкектин Биринчи май райондук соту пара алуу боюнча айыпталып жаткан Жогорку Кеңештин мурдагы депутаты, экс-министр Каныбек Осмоналиевди актады.

Ооганстан менен Пакистандын чек арасындагы башкы көзөмөл-өткөрмө бекет 15-октябрда да жабык бойдон калгандыктан эки тарапта тең жүздөгөн адамдар, унаалар топтолду.  Чамман-Спин Болдак көзөмөл-өткөрмө бекети 14-октябрда Ооганстан менен Пакистандын коопсуздук күчтөрүнүн бир нече саатка созулган ок атышууларынан соң жабылган. Бул үчүн эки тарап бирин бири айыпташты. Кагылышуу ооган жоокерлери талаштуу чек арада дубал орнотууга пакистандык аскерлерге ок ачкандан кийин башталган. Ооган медиасынын маалыматтарына караганда... Читать дальше...

Казакстан Кытайга жылына 10 млрд куб метр газ сата баштайт. Евробиримдик эми химиялык курал жасагандарга жана колдонгондорго да санкция салат. Өзбекстан президентинин жаңы резиденциясынын жолун кеңейтүү үчүн карапайым адамдардын үйлөрү бузулуп жатат.

Президент Дональд Трамп "Твиттердеги" баракчасында жазгандай, падыша Салман менен телефондон сүйлөшкөндө сауд лидери "жоголгон журналист Жамал Хашогги эмне болгону жөнүндө эч нерсе билбей турганын” айткан.  Трамп Эр-Риядга мамлекеттик катчы Майк Помпеону падыша Салман менен “тез арада” жолугушуу үчүн жөнөтүп жатканын да кошумчалады.  Ал эми Мамлекеттик департамент Трамп падыша Салман менен телефон аркылуу сүйлөшүүдө Хашоггинин жоголушу боюнча “ачык жана ыкчам” иликтөө жүргүзүүгө чакырганын кабарлады. Читать дальше...

Чет элдик сапарларга байланыштуу чыккан чырдан улам Эмгек жана социалдык өнүгүү министрлигинин жетекчилиги толугу менен кызматтан кетти.

Сооронбай Жээнбековдун президенттик шайлоодо жеңгенине бир жыл болду. Бир жылдык президенттин ишмердиги кандай бааланууда? Буга чейин президенттин ишмердиги боюнча макалаларды жазып жүргөн Жогорку Кеңештин мурдагы депутаты, коомдук-саясий ишмер Ишенбай Кадырбеков “Азаттыктын” “Эки бир” маегинин коногу болду. Кадырбеков өлкөдөгү саясий кырдаал, парламенттин ролу жана салмагы боюнча суроолоруна жооп берди.

Бул укук коргоочу уюмдун бүгүнкү билдирүүсүнө караганда, алардын иликтөөчүсү Олег Козловски Ингушетиянын борбору Магас шаарынан шаарынан 6-октябрда уурдалган. Окуя ал Ингушетияда Чеченстан менен жер алмашуу келишимине каршы өтүп жаткан нааразылык акцияларга байкоо салып жүргөн учурда болгон. Олег Козловскинин өзүнүн бүгүн "Твиттердеги" баракчасына жазгандарына караганда, уурдагандар аны ээн жерге алып барып, жылаңачтап, сабап, кабыргасын сындырышкан, "зордуктайбыз" деп коркутуп, сүрөткө тартып алышкан. Читать дальше...

Шевченко Нуньес менен эки ирет мелдешип, утулуп калган

Расмий Эр-Рияд эгер журналист Жамал Хашоггинин жоголушуна байланыштуу Сауд Арабиясына санкция салынса, ага жооп кайтарыларын эскертти. Андан мурда АКШ, Британия сыяктуу бир катар өлкөлөрдо Саудияга чара көрүүгө чакыргандар болгон.

Мурдагы билим берүү министри, мурдагы депутат Каныбек Осмоналиев акталды. Мындай чечим бүгүн Бишкектин Биринчи май райондук сотунда чыкты. Сот бардык коюлган айыптар боюнча далил табылган жок деп тапты жана анын өлкөдөн чыкпоо тууралуу тил катын жокко чыгарды. Прокуратура Осмоналиевдин үй-мүлкүн мамлекетке чегерүү менен 15 жылга камоону, ага үч жыл бою мамлекеттик кызматта иштөөгө тыюу салууну соттон суранган болчу. Улуттук коопсуздук боюнча мамлекеттик комитет (УКМК) 2014-жылы Кыргыз-Орус... Читать дальше...

Сириянын түндүк-чыгышындагы Ракка шаары “Ислам мамлекети” экстремисттик уюмунун согушкерлеринен бошотулганына туура бир жыл болду.

Бишкек шаарына жылуулук берүү маселеси шаршемби күнү, 17-октябрда чечилет. Бул тууралуу бүгүн «Азаттык» радиосуна мэриянын басма сөз катчысы Гуля Алмамбетова билдирди: - Мурун эле кабыл алынган норма бар – эгер беш күн бою орто эсеп менен абанын температурасы +8 болуп турса жылуулук берүү тууралуу буйрукка кол коюлат. Мэр Азиз Суракматов бүгүн эртең менен бардык тиешелүү жетекчилерди чогултуп Гидрометеоборбор менен байланышта болуп турууга буйрук берди. Шаршемби күнү да жыйын өтөт. Ошол жыйында... Читать дальше...

Кыргызгидромет 16-октябрда Кыргызстанда мезгил-мезгили менен кар аралаш жамгыр жаап, тоо этектеринде жана тоолуу райондордо кар түшөрүн кабарлады. Зымдарга жана бактарга суу кар жабышат. Тоолуу райондордо жолдор тайгак болот. Кар күрткүсү болушу ыктымал. Батыштан соккон шамалдын ылдамдыгы секундасына 4-9, кээде 18-23 метрге жетет. Абанын температурасы: Чүй өрөөнүндө түнкүсүн 1...6, күндүз 2...7, Талас жергесинде түнкүсүн -3...+2, күндүз 2...7, Баткен, Ош, Жалал-Абад облустарында түнкүсүн 2...7... Читать дальше...

"Amnesty International" укук коргоо уюмунун кызматкери Олег Козловский Ингушетиядагы митингдерди иликтөөгө барган жеринен өздөрүн атайын органдардын өкүлдөрү деп тааныштырган адамдардын зомбулугуна кабылды.

Ноябрдын башында кыргызстандыктар беш күн удаа эс алышат. Бул тууралуу бүгүн Эмгек жана социалдык өнүгүү министрлиги кабарлады. Мекеменин маалыматына караганда, 7-11-ноябрь күндөрү эс алуу болот. Министрликтин эмгек башкармалыгынын өкүлү Мунара Кожомкулова бул тууралуу «Азаттык» радиосуна төмөнкүлөрдү айтып берди:  - 7-8-ноябрь эс алып, анан кайра 9-ноябрда бир күн жумушка чыкпаш үчүн ошол күндү 3-ноябрга котордук. Ошондо 1,2,3-ноябрь иштейбиз, 4-ноябрда эс алып, 5-6-ноябрь иштеп, 7,8,9,10,11-ноябрь эс алуу күндөрү болуп калат. Читать дальше...

Төө-Ашуудагы автомашиналардын тыгыны тарады, ушу тапта жол ачык. Бул тууралуу Транспорт жана жолдор министрлиги кабарлоодо. Мекеменин маалыматына караганда, жекшемби күнү пайда болгон тыгынга автоунаалардын көбүнүн дөңгөлөгү кыш шартында айдоого даярдалбаганы себеп болду. «Бишкек-Ош жолу» мамлекеттик дирекциясынын адиси Болотбек Токтомушевге байланышканыбызда ал азыр Төө-Ашууда турганын, жол ачык экенин айтты: - Төө-Ашуу азыр кадимкидей оң абалда. Эч кандай тоскоолдуксуз машиналар эки тараптан тең өтүп жатышат. Читать дальше...

Казакстандын мамлекеттик "КазТрансГаз" компаниясы Кытайга 2019-жылдан тартып 10 млрд. куб метр көгүлтүр отун сатуусун караган келишимге Бээжинде кол коюлду. Казак компаниясынын басма сөз кызматы билдиргендей, келишим беш жылга эсептелген. Кытай тарапка жылына 10 миллиард  куб газ сатылган учурда сооданын жылдык көлөмү эки миллиард долларды түзгөн болот. Буга чейин "КазТрансГаз" компаниясы Кытайга жылына беш миллиард куб метр көгүлтүр отун сатып келген. “КазТрансГаз” Казакстандын мамлекеттик “Самрук Казына” фондунун курамына кирет. Читать дальше...

"Башынан оор кыйынчылыктарды өткөргөн эл тагдырын изилдеген тарыхчыларга экмет: жер үстүндө кайсы калк билимсиз болсо, ошол калк эзилип келген". (Клод Андриан ГЕЛЬВЕЦИЙ)

Орусия менен Түркиянын макулдашуусуна ылайык, Сириянын Идлиб провинциясында куралдуу оппозиция менен өкмөттүк күчтөр кесилишкен тилкеде быйылкы жылдын 15-октябрына карата 15-20 чакырым ичкери карай демилитаризациялык аймак түзүлүшү керек болчу. Андан сырткары, 10-октябрга карата бул аймактан бардык оппозициячыл топтордун оор куралдары: танктар, ракеталык системалар, миномёттор, замбиректер чыгарылышы керек эле. Демилитаризациялык аймакка көзөмөлдү Түркиянын бөлүктөрү, Орусиянын аскердик полициясынын мобилдүү топтору жүргүзмөк. Читать дальше...

Тышкы иштер министрлери 15-октябрда жактырган санкциялык режимге ылайык, Евробиримдик мындан ары химиялык курал жасап, колдонгон адамдарды алардын жарандыгына, жашаган жерине карабай жазалай алат. Бул үчүн алардын активдерин тоңдуруу, Евробиримдиктин аймагына келишине тыюу салуу өңдүү чаралар колдонулат. Химиялык куралды жасаган жана аны колдонгон ишканалар менен адамдардын кара тизмеси түзүлүп, Евробиримдик өлкөлөрүнүн жарандары менен компанияларынын алар менен иштешүүсүнө тыюу салынат. Сирияда... Читать дальше...

Бул тууралуу “Эркин Европа/Азаттык” радиосунун өзбек кызматы өз булактарына шилтеме кылып кабарлоодо. Редакция алган маалыматтарга караганда, Ташкент облусунун Кибрай районундагы Байткурган кыштагында жүздөн ашуун үй сүрдүрүлгөн. Дагы ондогон үй-бүлөлөр президенттин жаңы резиденциясына барган жолду кеңейтиш үчүн турак жайы бузулары жөнүндө маалымат алган. Үйлөр “президенттик трасса” үчүн буздурулуп жатканын “Эркин Европа/Азаттык” радиосунун өзбек кызматына жергиликтүү аткаминерлердин бири да ырастады. Читать дальше...

Кыргызстан социал-демократиялык партиясынын (КСДП) төрагасынын мурдагы орун басары Фарид Ниязов былтыркы президенттик шайлоодо иштегендерге кайрылуу жолдоп, ошондогу жеңиши менен куттуктады. Ниязов Сооронбай Жээнбеков “биз сүрөгөн талапкер” болчу деп баса белгилеп, анын 2017-жылдын 15-октябрындагы шайлоодо утуп чыгышында айылдар менен шаарларда жан үрөп иштеп берген социал-демократ активисттер менен үгүтчүлөрдүн эмгеги зор болгонун эскертти. “Силер Сооронбай Шариповичке шайлоо өнөктүгүн ийгиликтүү өткөрүүгө... Читать дальше...

АКШ президенти бул тууралуу америкалык СBS телеканалы менен болгон маегинде айтты. Алып баруучу "Путин өзүн сындагандардын киши колдуу болушуна катышы бар" деген пикирге Трамп макул же макул эмес экенин сураганда, ал “ооба, балким, балким” деп жооп берди.  АКШнын президенти мында Путинди сындап жүрүп ууландыруу аркылуу же башка шектүү жагдайларда мерт болгон адамдардын кимисинин өлүмүнө орус президентинин тиешеси бар деп эсептегени белгисиз. Москва андай окуяларга тиешеси бар экенин такай четке кагып келет. Читать дальше...