Петков: Иднината на Северна Македонија и Албанија треба да биде во ЕУ

Иднината на Северна Македонија и Албанија е во Европската Унија, изјави бугарскиот премиер Кирил Петков во интервју за романската телевизија Диги24, објавено на 9 мај.

На прашањето на новинарката тоа дали ако падне неговата влада, ќе остане компромисот направен во однос на Македонија, откако Бугарија две години го блокира нејзиниот почеток на преговорите со ЕУ, Петков вели:

„Не можам да бидам одговорен за ништо ако мојата влада исчезне (н.з. падне). Ако мојата влада опстане, а на тоа работам секојдневно, решени сме дека ЕУ иднината на Северна Македонија и на Албанија е таму, треба да биде таму. Мислам дека тоа е добро за регионот. Секако, има работи кои сè уште треба да се направат и треба да работиме напорно за да го постигнеме и ги знаеме пречките и проблемите што треба да се решат, сега само треба да се решат. Освен за тоа, јас не можам да бидам одговорен за друго во иднина“, вели Петков.

Сламка за спас или апсурден предлог - ЕУ како гарант на Бугарите во Македонија

Европскиот пат на Македонија и Албанија оди во пакет, па оттука, бугарската блокада за почеток на македонските преговори доведе до застој и на евроинтегративните процеси на Албанија. Бугарија веќе две години ги блокира претпристапните преговори на Македонија за влез во Европската Унија.

Меѓу барањата во пакетот 5+1 кои беа поставени како услов од бугарска страна за почеток на преговори со ЕУ, се немешање во внатрешните прашања во државите, воведување конкретни механизми за спречување на говорот на омраза, продолжување на работата на комисиите, но и вметнување на Бугарите во македонскиот Устав.