Висок пакистански генерал ги предводи разговорите со забранетата ТТП во Кабул

Висок генерал на пакистанската армија ги надгледува преговорите меѓу Исламабад и забранетиот тврдокорен Техрик-е талибан Пакистан (ТТП), изјави за Радио Слободна Европа официјален претставник кој побара анонимност.

Пакистанскиот претставник потврди дека генерал-полковник Фаиз Хамед - офицер задолжен за сите пакистански трупи во северозападната провинција Кибер Паштунхва, ја предводи пакистанската делегација во разговорите со лидерите на ТТП во главниот град на Авганистан, Кабул.

Официјалниот претставник додаде дека министерот за внатрешни работи на авганистанските талибанци, Сираџудин Хакани и шефот на разузнавањето Абдул Хак Касик посредуваат во разговорите, кои се дел од тековните напори на Исламабад да го запре растечкото насилство спроведено од групата, во чии напади само оваа година беа убиени десетици пакистански војници. 

Шестмина загинати во самоубиствен напад во Пакистан

Хамед, поранешен шеф на пакистанската моќна агенција за разузнавање меѓу, ги водеше напорите на Исламабад за справување со зголемената закана од ТТП преку разговори и воени операции, вклучително и воздушни напади во Авганистан минатиот месец.

Службеникот, кој побара анонимност бидејќи не е овластен да разговара со медиумите, потврди дека Исламабад ослободил повеќе од 100 затвореници на ТТП, вклучително и двајца истакнати команданти. 

Тој за РСЕ изјави дека ослободувањата се дел од „градењето доверба и го означуваат почетокот на формалните преговори“.