Митревски номиниран за најдобар голман во ракометната Лига на шампионите

Македонскиот репрезентативен голман Никола Митревски е меѓу шесте номинирани за најдобар голман во ракометната Лига на шампиони. Европската ракометна федерација (ЕХФ), која традиционално го избира тимот на сезоната пред одржувањето на Ф4 турнирот во елитното европско натпреварување – Лигата на шампионите, денеска ги објави најдобрите шест голмани, меѓу кои и Никола Митревски, номинирани за оваа престижна награда.

Во конкуренција за најдобар голман , освен Митревски, сѐ и Никлас Ландин (Кил), Бенјамин Буриќ (Фленсбург), Андреас Волф (Келце), Гонзало Перез де Варгас (Барселона) и Родриго Коралес (Веспрем). Најдобриот ќе биде избран со гласовите на ракометните фанови. За Никола Митревски може да се гласа преку мобилната апликација на ЕХФ, односно на следниот линк.