Кина: Бајден во својот говор го наруши угледот на Пекинг

Кина објави дека американскиот претседател Џозеф Бајден го нарушил угледот на Пекинг во неговото обраќање до нацијата со постојано спомнување на конкуренцијата меѓу двете земји. Кина не се плаши од конкуренцијата со САД, но не се согласува. „дека целиот однос меѓу Вашингтон и Пекинг треба да се дефинира само во однос на конкуренцијата“, изјави денеска портпаролката на Министерството за надворешни работи, Мао Нинг. „Не е практика одговорна земја да клевети и да го ограничува легитимното право на друга земја да се развива под изговор на конкуренција“, рече Мао. Таа додаде дека Кина ќе ги брани своите интереси и дека САД треба да работат на „промовирање на враќањето на билатералните односи на патот на здрав и стабилен развој“.

Бајден ги спомена Кина и нејзиниот лидер Си Џинпинг најмалку седум пати за време на неговото обраќање синоќа, велејќи дека САД се сè поподготвени да се натпреваруваат со Пекинг, но исто така се обидуваат да избегнат конфликт. „Јасно му кажав на претседателот Си дека бараме конкуренција, а не конфликт“, рече Бајден. Сепак, тој предупреди дека „ако Кина го загрози суверенитетот на САД, тие ќе дејствуваат за да се заштитат себеси“, мислејќи на соборувањето на кинескиот шпионски балон кој навлезе во воздушниот простор на САД.