Ердоган вети обнова по земјотресот

Турскиот претседател Реџеп Таип Ердоган вети дека ќе продолжи со напорите за спасување и опоравување повеќе од една недела по силниот земјотрес што ја потресе неговата земја и соседна Сирија. Заедничкиот број на загинати во Турција и Сирија се искачи над 41.000, а многу преживеани кои останаа без покрив над главата поради уништувањето во градовите во двете земји се изложени на ниските зимски температури, „Ќе продолжиме со нашата работа додека не го отстраниме последниот граѓанин што остана под урнатите згради“, рече Ердоган синоќа по состанокот на владата одржан во седиштето на Управата за управување со катастрофи и вонредни состојби (АФАД).

Проценката на штетите на зградите, од кои десетици илјади беа уништени, ќе биде завршена за една недела, а реконструкцијата ќе започне за неколку месеци, рече тој. „Ќе ги обновиме сите куќи и работни места, уништени или непогодни за живеење од земјотресот и ќе им ги предадеме на вистинските сопственици“, додаде тој. Повеќе од 105.000 луѓе се повредени во земјотресот, рече тој, а над 13.000 се уште се лекуваат во болниците.