Вкупно 41 години затвор за четворицата силувачи на 11-годишно девојче во Косово
Основниот суд во Приштина денеска ги осуди четворицата обвинети, од кои тројца малолетни, на вкупно 41 години затвор за силување на 11-годишно девојче во Приштина во август 2022 година.
Полнолетниот обвинет е осуден на 15 години затвор, двајца малолетници на по 9, а еден на осум години малолетнички затвор.
Малолетниците, освен за силување се осудени и за злоупотреба на деца во порнографија.
Претседателката на Косово: силувањето малолетничка е шокантен и нехуман чин
Еден обвинет за сексуални услуги од жртви со трговија со луѓе беше ослободен од обвинението. Судот укажа дека не било утврдено дека девојчето било жртва на трговија со луѓе.
Случајот, кога четворица го силувале девојчето во парк во Приштина на 27 август 2022 година, ја потресе косовската јавност.
Косовската претседателка Вјоса Османи оцени дека се работи за шокантен и нехуман чин и побара ригорозна истрага и правна одговорност за сторителите.
Граѓаните на Приштина протестираа против сексуалното насилство врз жените и девојчињата, а солидарни протести беа организирани и во Скопје и во Тирана.