Нов силен земјотрес во Турција
Земјотрес со магнитуда од 5,2 степени според Рихтеровата скала ја погоди претпаднево Турција. Потресот се случил во 10 часот, соопшти Европско-медитеранскиот сеизмолошки центар (ЕМСЦ).
Епицентарот на земјотресот бил на длабочина од пет километри, на 11 километри јужно од градот Малатија.
Засега нема информации за штети и повредени. Земјотресот бил почувствуван и во околните провинции.
Турција и Сирија на 6 февруари беа погодени со силен земјотрес, во кој само во Турција загинаа повеќе од 44 илјади луѓе. По тој земјотрес следеа илјадници послаби потреси на турското тло. Жртви имаше и во земјотресот што ја погоди земјата на 20 февруари.