Стејт департмент -„Просечно висока“закана од терористички напади во Македонија

Просечно висока или средна е заканата за терористички напади во Македонија, оценува американскиот Стејт департмент во најновиот извештај за тероризам во светот за 2021 година. Во него се наведува дека главниот контратерористички проблем на Северна Македонија во 2021 година беа враќањата на странските борци од Сирија и Ирак.

Враќањето на странските терористички борци во земјава, претставува проблем „со оглед на можноста овие лица да реализираат насилни екстремистички ќелии, планови за напад и да радикализираат други лица“.

Во Северна Македонија, како и во Србија, Косово, Албанија и Грција, во 2021 година не се случиле терористички инциденти.

Според Националниот комисија за борба со насилниот екстремизам и тероризмот, околу 143 граѓани на Северна Македонија (исклучувајќи деца) во изминативе неколку години патувале за Сирија, Ирак или во двете земји да се вклучат во терористички групи. Од нив, 133 лица се мажи, десет се жени, 38 биле убиени, 79 се вратени, петмина се верува дека останале во Сирија и двајца се во затвор во бегалски камп. Додека, пак, 16 лица, 11 мажи и пет жени, се репатрирани, а тројца биле депортирани од други земји.

Во јули 2021 година владата репатрирала четири странски терористистички борци и 19 членови на семејствата.

Законот во Македонија е адекватна за прогон на лица осомничени за извршување или помагање терористички активности, или учество во странски војски. Но предизвик останува Законот за казнувања поврзан со овие прекршоци, тој не е подобрен во споредба со претходните години. Освен тоа, затворските казни се општо земено подолги отколку кај останатите земји од Западен Балкан.

Северна Македонија е дел од институциите за борба со финансискиот тероризам. Донесен е нов закон за запирање на перењето на пари и финансирање на тероризмот. Земјата исто така е вклучена во борбата со насилниот екстремизам и во 2021 година продолжила со соработка со останатите земји од Западен Балкан за борба со тероризмот и насилниот екстремизам, и учествувала во повеќе проекти поврзани со ова.