Новости за 11.05.2022

Täjigistanyň awtoritar prezidenti Emomali Rahmonyň ogly, täjik parlamentiniň spikeri we paýtagt Duşenbäniň häkimi Rustam Emomali 11-nji maýda resmi sapar bilen Aşgabada bardy. Bu barada “Orient” neşiri habar berýär. Rustam Emomali çarşenbe güni Türkmenistanyň prezidenti Serdar Berdimuhamedowyň kakasy we Halk Maslahatynyň başlygy, eks-prezident Gurbanguly Berdimuhamedow bilen duşuşdy. Türkmen metbugatyna görä, taraplar iki ýurduň arasynda parlamentara gatnaşyklaryň ösdürilmegini we ikitaraplaýyn... Читать дальше...

Türkmenistanda şu ýyl orta mekdepleri tamamlaýan okuwçylaryň soňky jaň dabarasyna görýän taýýarlyklary dowam edýär. Mary welaýatynyň mekdeplerinde uçurymlar bu taýýarlyklar üçin müňlerçe manat sarp etmeli bolýarlar. Bu ýagdaý, ýurtdaky ýiti ykdysady kynçylyklar sebäpli onsuzam gurpdan düşen eli ýuka maşgalalary aljyradyp, olaryň aladalaryny artdyrýar.  "Uçurymlaryň çykdajylary gün-günden köpelýär. Her gün bir zat üçin pul ýygnalýar ýa-da başga bir zady satyn almaly bolýar. Bu çykdajylar ene-atalary gaýga goýýar" diýip... Читать дальше...

10-njy maýda Aşgabatda Türkmenistanyň Milli Olimpiýa komitetiniň Baş Assambleýasynyň nobatdaky mejlisi geçirilip, Serdar Berdimuhamedow Türkmenistanyň Milli Olimpiýa komitetiniň prezidentligine saýlandy diýip, TDH habar berdi. Bu wezipäni ozal onuň prezidentlikden çekilen kakasy Gurbanguly Berdimuhamedow ýerine ýetirýärdi. Türkmenistanyň Milli Olimpiýa komiteti 1990-njy ýylda döredildi we 1993-nji ýylda Halkara Olimpiýa komitetinde hasaba alyndy. Serdar Berdimuhamedowa mundan ozal Türkmenistanyň at gazanan tälimçisi diýen at berlipdi.

Türkmenistanda dowam edýän ykdysady we durmuş kynçylyklarynyň fonunda, ilat arasynda palçylardan, tebiplerden we porhanlardan haraý gözleýän adamlar köpelýär. Azatlyk Radiosynyň habarçylary ilat arasynda ýoň bolan şeýle meýilleriň jikme-jikligini öwrenýärler. Synçylara görä, däp-dessurlara berk eýerýän konserwatiw türkmen jemgyýetinde köplenç yrymçy adamlar, şol sanda käbir döwlet gullukçylary kömek sorap, palçylaryň we tebipleriň gapysyna barha köp barýarlar. Ylmy subutnamalardan mahrum bolan ezoteriki hyzmatlar... Читать дальше...

Şu günler Lebap welaýatynyň bazarlarynda käbir gök-bakja önümleriniň bahasy ýokarlanýar. Söwdagärler munuň sebäplerini olaryň importynyň peselmegi we ýerli önümçiliginiň ýeterlik däldigi bilen düşündirýärler. Bu maglumat türkmen prezidentiniň söwda toplumy boýunça wise-premýere berk käýinç berip, daşary ýurtlardan getirilýän önümleriň möçberlerini azaltmagy tabşyrmagynyň yz ýanyna gabat geldi.

Türkmenistanyň umumybilim berýän orta mekdeplerinde dowam edýän okuw ýyly ahyrlaýan wagtynda, mekdepleriň abatlaýyş işleri üçin okuwçylardan ýygnalýan pullar ene-atalara gymmada düşýär. Bu barada Azatlyk Radiosynyň habarçysy Mary welaýatyndan habar berýär.

Kosmetika, häzirki zaman geýimleri we aýallara girizilen beýleki çäklendirmeler Türkmenistanyň ilatynyň arasynda nägileligi döredýär. Aýallaryň "özüne çekiji" geýimleri geýmegine we kosmetiki serişdeleri ulanmagyna gadaganlyk meselesi giňden ara alnyp maslahatlaşylýar. Käbir ýagdaýlarda aýal-gyzlar özlerine garşy eden-etdilige garşy durmaga synanyşýarlar.

“Al-Jazeera” habar telewideniýesiniň žurnalisti 11-nji maý güni irden, Ysraýylyň basylyp alnan Günbatar kenara, Iordan derýasynyň günbataryndaky Jenin şäherine geçirýän reýdi barada habar taýýarlaýan wagtynda atylyp öldürildi diýip, Palestinanyň Saglyk ministrligi aýtdy. Stansiýanyň arap dilindäki kanalynyň tanymal habarçysy, palestinaly Şirin Abu Akleh tüpeňleninden gysga wagt soň aradan çykdy. Iýerusalimde ýerleşýän “Al-Kuds” gazetinde işleýän başga bir palestin žurnalisti hem ýaralandy, ýöne onuň ýagdaýy kadaly diýip, habarda aýdylýar. Читать дальше...