Новости за 27.05.2022

Türkmenistanda ýaşlaryň ýurduň ýaragly güýçlerine harby gulluga alynmagy dowam etdirilýär. Bu möwsüm öz çagalarynyň goşun gullugyndaky ykbaly we howpsuzlygy bilen aladalanýan ene-atalar üçin agyr pursat bolýar. Bu aralykda, Azatlygyň habarçylary harby gullugyň şertleriniň hemme ýerde birmeňzeş däldigini, köp islenilýän has amatly harby bölümleriň bardygyny habar berýärler. "Ýurdumyzda baý adamlaryň çagalarynyň gullugy hem ansat. Ministrleriň, baý adamlaryň we tanyşlygy bar adamlaryň çagalary Çülide... Читать дальше...

Azatlyk Radiosyna Türkmenistandaky bar bolan meseleler barada ençeme tapgyr interwýu beren 73 ýaşly Agajuma Baýramow 2015-nji ýylda alty ýyl türme tussaglygyna höküm edildi we onuň iki ýylyny Owadan-depe türmesinde geçirdi. Bu barada “Türkmenistanyň Hronikasy” neşiri, žurnalist Soltan Açylowanyň maglumatlaryna salgylanyp, 27-nji maýda habar berdi.

Türkmenistanyň prezidenti Serdar Berdimuhamedow Suw hojalygy baradaky döwlet komitetiniň başlygy Güýzgeldi Baýjanowa “berk käýinç” yglan etdi. Bu barada TDH habar berýär.

Geçen bir hepdäniň dowamynda Türkmenabatda guduzlan itleriň ýarmagy netijesinde iki adam heläk boldy. Bu barada habar berýän Azatlygyň habarçysy mundan soň sebitde öýsüz itdir-pişikleri öldürmek boýunça alnyp barylýan işleriň hasam güýçlendirilendigini gürrüň berdi. Şol bir wagtda türkmen häkimiýetleriniň, ösen döwletlerde bolşy ýaly, öýsüz jandarlara rehimlilik bilen daraşmagyň deregine, ‘aňsadyna bakyp’, olary wagşylarça öldürmegi saýlap alýandygy bellenilýär.

Türkmenistanyň Milli Geňeşiniň Mejlisiniň karary esasynda, ussat halyçy Ogulgerek Berdimuhamedowa «Türkmenistanyň at gazanan halyçysy» diýen hormatly at dakyldy. Şeýle-de, TDH prezident Serdar Berdimuhamedowyň karary esasynda, ondan gowrak halyça «Türkmenistanyň at gazanan halyçysy» diýen hormatly adyň dakylandygyny habar berýär. Habarda halyçylaryň aýratyn alnan birine dakylan adyň näme üçin prezidentiň gol çeken karary esasynda däl-de, Türkmenistanyň Milli Geňeşiniň Mejlisiniň başlygy Gülşat... Читать дальше...

Prezident Serdar Berdimuhamedow Daşoguz sebitiniň dolandyryş merkezinde bina edilen lukmançylyk desgalarynyň ikisiniň – Köpugurly we Onkologiýa hassahanalarynyň açylyş dabaralaryna gatnaşdy diýip, TDH 27-njy maýda habar berdi. Döwlet eýeçiligindäki neşir ýurtda "dünýäniň öňdebaryjy öndürijileriniň iň täze enjamlary bilen üpjün edilen iri lukmançylyk merkezleriniň” gurulmagyny döwletiň ýurduň ilatynyň saglygy üçin edýän uly aladalarynyň subutnamasy hökmünde görkezýär we şeýle binalaryň diňe bir paýtagtda däl... Читать дальше...

Dünýäde azyk howpsuzlygynyň ýakyn geljegi bilen bagly dowam edýän aladalaryň arasynda, Türkmenistanda bugdaý oragy häkimiýetleriň güýçli gözegçiligi astynda alnyp barylýar. Tejen we Babadaýhan etraplarynyň gallaçylary bu ýylyň hasylyndan özlerine ‘ýeke bugdaý dänesini alyp galmaga’ rugsat berilmeýändigini aýdýarlar.

Wezipe borçlaryny talabalaýyk ýerine ýetirmän,  ...pudagyň desgalaryny netijeli ulanmak boýunça alnyp barylýan işlere gözegçiligi gowşadandygy üçin, Türkmenistanyň Suw hojalygy baradaky döwlet komitetiniň başlygy Güýzgeldi Baýjanowa berk käýinç yglan edildi. Şol bir wagtda, wise-premýer E.Orazgeldiýewiň Daşoguzda geçirilen göçme mejlisde sebitiň suw üpjünçiligini gowulandyrmak barada edilýän işler barada hasabat bermegine garamazdan, gurak gelen ýyllaryň oba hojalygyna ýetirýän ýaramaz täsiri,... Читать дальше...