Baýram namazyna baranlara G.Berdimuhamedowyň täze kitaby wagyz edildi
"Gahryman Arkadagymyz öz okyjylaryna, bagtyýar halkymyza täze kitabyny sowgat berdi"
Şu ýyl Türkmenistanyň ymamlary Oraza aýynyň tamamlanmagy mynasybetli baýram namazyna ýygnanan jemagata Gurbanguly Berdimuhamedowyň täze kitabyny wagyz etdiler.
Türkmenistanyň öňki prezidenti Gurbanguly Berdimuhamedow 50-den gowrak kitap ýazdy. Onuň iň soňky "Ömrümiň manysy" kitabyny G.Berdimuhamedowyň ogly - häzirki prezident Serdar Berdimuhamedow - Ministrler Kabinetiniň agzalaryna ýörite tanyşdyrdy. Döwlet habar beriş serişdeleri bu kitaby “dürdäne paýhaslar" atlandyrdy.