Новости за 27.04.2023

Әлмәт драма театры артистлары Туган тел көне һәм бөек татар шагыйре Габдулла Тукайның туган көне уңаеннан  шигырьләр укыды. 

26 апрель Туган тел көне һәм Габдулла Тукайның тууына 137 ел тулу уңаеннан Казанда зур чаралар узды. Шигырь бәйрәменнән һәм "Мин татарча сөйләшәм" акциясеннән репортаж тәкъдим итәбез.

Актаныш районы мәктәпләрендә белем бирүче технология укытучылары остазлары - үзләренә кадәр мәктәп укучыларын тегәргә, чигәргә, пешерергә өйрәткән педагоглар белән табын янында очрашты. Бәйрәмчә аралашу вакытында остазлар һәм педагоглар хәзерге уку-укыту эшчәнлегендәге яңа технологияләр, элеккеге укыту методикасы турында сөйләште.

Питрәчнең Ленино-Кокушкино авылының Яшьләр үзәгендә махсус хәрби операциядә катнашучылар белән очрашу узды. Алар кыска вакытлы ялга кайткан.

Түбән Камада Габдулла Тукай исемендәге Үзәк китапханәдә язучы Гөләндәм Галиеваның «Канатлы нур» китабының презентациясе узды. Чарада Түбән Кама мэры Рамил Муллин, язучылар, педагоглар, мәктәп укучылары, шагыйрә иҗатын бәяләүчеләр һәм хөрмәт итүчеләр катнашты.

Яшел Үзәзннең Осиново бистәсендә танталы рәвештә чишмә ачылды. Аны «Алия чишмәсе» дип атадылар. Бу хакта «Яшел Үзән» сайтында хәбәр ителә.