САД ќе ги информираат сојузниците за разговорите со Русија

Заменик-државниот секретар на САД Венди Шерман најави дека денеска ќе ги информира НАТО и Европската унија за вчерашните разговори во Женева околу барањата на Москва за безбедносни гаранции. Шерман по разговорите изјави дека Русија не „одговорила“ на барањето на САД за смирување на тензиите на руско-украинската граница. Таа додаде дека Москва може да почне да ја „смирува тензијата“ со враќање на војниците кои се на границата во последните недели во касарните.


САД-Русија ги завршија „тешките“ осумчасовни разговори во Женева за Украина




Во меѓувреме, Русија изрази задоволство од „сериозноста“ со која Американците го примиле барањето да им се гарантира безбедноста, дополнително уверувајќи дека Москва нема намера да ја нападне Украина. Рускиот преговарач Сергеј Рјабков по разговорите во Женева изјави дека „ситуацијата не е безнадежна“, но дека САД не треба да ја „потценуваат“ опасноста од конфликт.


Блинкен не очекува напредок во раговорите на САД со Русија


Руско-американски разговори за безбедносните гаранции беа предложени од Москва, која претходно достави нацрт документи за безбедност до Вашингтон и НАТО, барајќи од Алијансата да не ги прима во своите редови Украина и другите земји кои некогаш биле дел од СССР и да се откаже од нејзиното распоредување и војска опрема во Централна и Источна Европа.