Мурашко: «Спутник Лайт» белән ревакцинация «омикрон»нан саклаячак

(Казан, 11 гыйнвар, «Татар-информ»). «Спутник Лайт» белән ревакцинация коронавирусның «омикрон» яңа штаммыннан саклаячак, — дип белдерде РФ Сәламәтлек саклау министры Михаил Мурашко ковидка каршы көрәш буенча РФ Хөкүмәте каршындагы Координацион совет президиумы утырышында. Бу хакта «Российская газета» яза.

«Спутник V» вакцинасы һәм «Спутник Лайт» белән ревакцинация нәтиҗәлелеге яхшы яңалык булды, шул исәптән Гамалея үзәге һәм Спалланцани институтының уртак тикшеренүе буенча, «Спутник Лайт» белән пациентларны ревакцинацияләү «омикрон» дигән яңа штаммнан якларга мөмкинлек бирә», — диде ул.

Шуңа бәйле рәвештә Мурашко элек прививка алган һәм авырган кешеләрне ревакцинациягә чакырды.

Россия Сәламәтлек саклау системасын «омикрон» штаммы аркасында коронавирус белән авыручылар санының яңа дулкыны мөмкин булуына әзерлиләр. «Бу зур куркыныч, кызганыч, чынбарлык. Вирус безнең территориягә үтеп керә һәм тарала», — дип хәбәр иткән иде элегрәк Дмитрий Песков.