Germaniýanyň Goranmak gullugynyň başlygy, Russiýanyň howpuna garşy umumy howpsuzlyk üçin NATO 'has köp zat etmeli' diýýär

Germaniýanyň Goranmak ministri Kristin Lambreht Litwa sapary wagtynda NATO-nyň Russiýadan we prezident Wladimir Putiniň haýsydyr bir agressiw hereketlerinden goranmak üçin umumy howpsuzlyk ugrunda has köp iş etmelidigini aýtdy.

"Hakykatda, umumy howpsuzlyk üçin has köp iş etmelidiris, sebäbi Putiniň beýiklik hyýallarynyň näderejede uzaga gidip biljekdigini bilmeýäris" -diýdi Lambreht Baltika ýurtlarynda ýerleşdirilen german goşunlaryna eden saparynyň dowamynda aýtdy. 

"Biz Russiýanyň Kaliningrad bilen serhetde Ýewropanyň sanksiýalaryny ýerine ýetirýän Litwa edýän haýbatlaryny eşitdik. Bular ilkinji haýbatlar däl, biz olara çynlakaý çemeleşmeli we taýyn bolmaly" - diýip Germaniýanyň goranmak ministri belledi. 

"Litwanyň howpsuzlygy Germaniýanyň howpsuzlygy. Bu umumy howpsuzlyk wadasy we biz ony şu gün ýene  tassyklaýarys" -diýip Lambreht. Litwanyň Rukla harby bazasynda aýtdy.

Germaniýa Litwada ýerleşýän 3000-5000 esgerden ybarat halkara söweş brigadasyna ýolbaşçylyk edýär.

Bu güýç, soňky döwürde Moskwanyň sebitde alyp barýan agressiw hereketleriň arasynda NATO-nyň gündogar tarapyny berkitmek ugrundaky tagallalarynyň bir bölegidir.

Litwa Russiýanyň Baltika deňzindäki Kaliningrad eksklawy, şeýle hem Kremliň ýarany Belarus bilen serhetleşýär.