Gyrgyz protestçileri serhet şertnamasynyň tankytçylarynyň boşadylmagyny talap edýär

Gyrgyzystanyň paýtagty Bişkekde ýygnanan protestçiler hökümetiň goňşy Özbegistan bilen aradaky serhet şertnamasy taslamasynyň garşysyna köpçülikleýin bidüzgünçilik gurajak bolmakda aýyplanýan syýasatçylaryň we aktiwistleriň derrew tussaglykdan boşadylmagyny talap etdiler.


“Kilim Çami” hukuk topary Gyrgyzystanyň we Özbegistanyň iki ýurduň arasynda ähli ýer dawasyny çözmek üçin gol çekmekçi bolýan şertnamasyn garşy bolmakda aýyplanyp, 23-nji oktýabrda 21 adamyň tussag edilendigini aýtdy.


Ylalaşyga görä, Gyrgyzystan 4,485 gektar meýdany eýeleýän Kempir-Abad suw howdanyny, başga bir ýerde 19,000 gektardan gowrak ýer almagyň deregine, Özbegistana bermeli. Gyrgyzystanyň raýat aktiwistleriniň köpüsi, oppozisiýa syýasatçylary we bendiň golaýynda ýaşaýan adamlar bu şertnama garşy çykýar.


“Kilim Çami” birnäçe şäherde we şäherçede tussag edilenleriň arasynda harby generalyň, konstitusiýa kazyýetiniň öňki agzasyny, öňki prokuroryň, žurnalistleriň we aktiwistleriň bardygyny aýtdy.


Merkezi Aziýanyň bu iki ýurdunyň arasynda 1300 kilometrden gowrak araçäk bar.