Новости за 23.10.2023

Әлмәт ветераннар оешмасына 45 ел тулды. Шәһәрнең драма театрында оештырылган тантаналы чара оешманың барлыкка килүе, эшчәнлеге һәм тарихны башкаручы кешеләр турында фильм күрсәтүдән башланды. Бу хакта «Әлмәт таңнары» газетасы яза.

Әлфия Авзалова исемендәге III Халыкара фестиваль-бәйгенең Гран-при иясе Татьяна Ефремова булды. Фестиваль-бәйге җиңүчесенең исеме бүген, 23 октябрьдә, Әлфия Авзалованың 90 еллыгына багышланган гала-концертта игълан ителде.

Түбән Новгород татарлары автономиясе татар теле курсларына балалар җыю турында игълан итә. Бу хакта Түбән Новгород татарлары автономиясе төбәк милли-мәдәни иҗтимагый оешмасының «ВКонтакте» социаль челтәрендәге төркемендә хәбәр ителә.

Бу елның гыйнвар-сентябрь айларында Татарстанда 55 икмәк пешерү оешмасы 164 млн сумлык субсидия алган. Субсидияләр социаль икмәк җитештерү һәм сату белән бәйле чыгымнарның бер өлешен кайтару өчен 1 кг икмәк өчен 4,5 сум исәбеннән бирелгән. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итә.

Немец галиме Макс Густав Шербергер Садри Максуди Арсалның лингвистикага кагылышлы хезмәтен тикшереп китап итеп чыгарган. Ул «Төрек теле өчен: Садри Максуди Арсал һәм аның ататөрекче тел реформасына керткән өлеше» дип атала. Китап Гёттинген шәһәрендә Эргон нәшриятында басылган.

27 октябрьдә Самараның «Металлург» мәдәният сараенда Кәрим Тинчурин исемендәге Татар дәүләт драма һәм комедия театры артистлары «Хыялый» спектаклен күрсәтәчәк. Тамаша 19 сәгатьтә башлана, дип хәбәр итә «Самара татарлары» сайты.

14 октябрьдә Краснодарда «Әбиләр чуагы» татар мәдәнияте бәйрәме узган. Бу хакта Краснодар татарлары җәмгыятенең ВКонтакте социаль челтәрендә «Краснодар татарлары» сәхифәсе хәбәр итә.

Казан дәүләт мәдәният институтында Казанның Идел буе, Совет һәм Вахитов районнары театр түгәрәкләре җитәкчеләре һөнәри яраклылыкка имтихан тапшырган.

Татарстанда төбәк, муниципальара һәм җирле әһәмияткә ия булган автомобиль юлларында машина кую урыннарыннан файдаланган өчен максималь түләү күләмен билгеләргә планлаштыралар. Моның өчен махсус исәпләү методикасы расланачак, диелә Татарстан хөкүмәте карары проектында.

Казанда Аккош күле урман паркының биологик төрлелеген тикшерү эше буенча нәтиҗә ясалды. Аккош күле урман паркы территориясендә Казан галимнәре мүкнең өч уникаль төрен тапканнар, шуларның берсен исле хушбуйлар ясауда кулланалар.

Бөтендөнья татар конгрессының Милли шура рәисе Васил Шәйхразыев бүген Казанда Әлфия Авзалованың 90 еллыгына багышланган бәйге-фестивальнең гала-концертында тамашачыны җырлатты.

Малайзиянең ислам үсеше департаменты (JAKIM) рәсми рәвештә «Мәскәү мөфтияте» Мәскәү һәм Үзәк төбәк Диния нәзарәтенең «ЦентрХаляльНадзор» стандартлаштыру һәм сертификацияләү үзәген җитештерүчеләрнең хәләл стандартына туры килүен сертификацияләү буенча вәкаләтле оешмасы буларак таныды.

Казанда Аккош күле урман паркының биологик төрлелеген тикшерү эше буенча нәтиҗә ясалды. География фәннәре докторы, Татарстан Фәннәр академиясенең Экология һәм җир асты байлыкларыннан файдалану проблемалары институты директорының фәнни эшләр буенча урынбасары Дмитрий Иванов сүзләренчә, сулыкларны исәпкә алып, урман паркының гомуми мәйданы 3 684 гектарны тәшкил итә.

Полиция Татарстанның Питрәч районында берничә көчекне үтергән ир-атны тоткарлаган. Бу хакта Татарстан буенча Эчке эшләр министрлыгы матбугат хезмәте хәбәр итә.

«Миллиард Татар» интернет-ресурсы «2023 елда татарлар турында иң яхшы медиапроект»ны билгеләячәк. Номинациягә татар телендәге классик массакүләм мәгълүмат чараларыннан башлап, телеграм-каналлар һәм фәнни порталларга кадәр төрле медиалар дәгъва итә.

24 октябрьдә Казанда Тукай әдәби музеенда «Сабантуй» журналы игълан иткән «Алтын куллы мөгаллим» бәйгесенең җиңүчеләрен бүләкләү тантанасы үткәрелә. Кичә 11.00 сәгатьтә башлана.

Бюджет оешмаларында эшләүчеләрнең акчаларын арттыру өчен фәкыйрь төбәкләргә һәм муниципалитетларга "үз керемнәре һәм федераль бюджет дотацияләре җитмәскә мөмкин", дигән Русия думасының төбәк сәясәте һәм җирле үзидарә комитеты рәисе Алексей Диденко.

«Татмедиа» республика матбугат һәм масскакүләм коммуникацияләр агентлыгы җитәкчесе Айдар Сәлимгәрәев һәм «Татмедиа» акционерлык җәмгыяте генераль директоры Шамил Садыйков Татарстанның халык шагыйре, Тукай премиясе лауреаты Равил Фәйзуллинның 80 яшьлек юбилее елы уңаеннан хөрмәтләп, аңа истәлекле бүләк тапшырдылар.

Татарстан Рәисе Рөстәм Миңнеханов республика югары уку йортларында көндезге уку формасындагы белем алучы һәм дәүләт ярдәменең өстәмә чарасы буларак стипендия алачак студентлар исемлеген раслады. Карар хокукый мәгълүмат порталында чыкты.

Гамалея үзәге башлыгы Александр Гинцбург моны коронавирусның яңа төрләре барлыкка килеп торуы белән аңлата.

Татарстанның Свердловск өлкәсендәге даими вәкиле Хәйдәр Гыйльфанов татар язучыларын Татарстаннан читтә яшәгән татарлар белән ешрак аралашырга чакырды.

Василий Сидоркин сугышта яраланган һәм дәваланган. Аны "вакытлыча яраксыз" дип табып, ял биргәннәр. Хезмәт урынына вакытында килмәгәч, эзләүгә биреп, кире кайтарганнар. Сидоркин медицина ярдәме күрсәтелмәгән килеш үзен кире сугышка җибәрүне канунсыз дип тануны сораган. Әмма мәхкәмә кабул итмәгән.

Мәскәүнең Татар мәдәни үзәге иҗат коллективлары һәм артистлары махсус хәрби операция ихтыяҗларына акча җыю өчен хәйрия концертында катнашты. Әлеге концерт шәһәр округының «Пушкино» мәдәният йортында узган. Бу хакта Мәскәү татарлары автономиясенең матбугат хезмәте хәбәр итә.

Директор охотхозяйства «Восход» Ильнур Афлятунов в очередной раз присоединился к акции «Дружба с «Дружбой».

Для студентов-очников татарстанских вузов Раис РТ Рустам Минниханов назначил дополнительную меру государственной поддержки.