Новости за 14.10.2023

Махсус хәрби операциядә катнашучыларга ярдәм итү өчен Актаныш районы Татар Суыксу мәдәният учагында зур хәйрия концерты узды. Аны алар үзләре дә, якыннары да тамаша кылды. Татар Суыксу җирлегеннән барлыгы 17 егет илебез бәйсезлеген, дөнья иминлеген сакларга китә. Бу хакта «Актаныш» хәбәр итә.

Бу якшәмбедә, 15 октябрьдә, 17.00 сәгатьтә Яшел Үзәннең «Җәмиг» мәчетендә Саратов өлкәсе мөфтие урынбасары, Болгар ислам академиясенең 3нче курс студенты Абдулхакый хәзрәт Җәфәр белән очрашу узачак. Бу хакта «Яшел Үзән» хәбәр итә.

Баулы районы Миңнегол авылында туып-үскән, бүгенге көндә Баулыда яшәп, туган авылында зур бакча тотучы Гайсә Минңеханов җимеш агачларын ялгап, яңа сортлар ясау белән мавыга. Мәктәп елларыннан ук бакча эшләрен яхшы белгән бакчачының бер төптән биш төрле алма бирә торган алмагачы да бар. Бу хакта «Баулы-информ» хәбәр итә.

Бөгелмә шәһәре мэры Линар Закиров Бөгелмә урта гомуми белем бирү мәктәпләре директорлары белән очрашты. Чара Россия Федерациясе Президенты Владимир Путин игълан иткән Педагоглар һәм остазлар елы кысаларында узды. Бу хакта «Бөгелмә авазы» хәбәр итә.

Ел саен үткәрелә торган «Татарча диктант» Бөтендөнья акциясендә бүген Үзбәкстаннан 200дән артык кеше катнашты. Чарада иң кечкенә катнашучыга — 5, иң өлкән катнашучыга 80 яшь булган.

Кырым күпере вакытыннан алда торгызылган. Барлык дүрт юл полосасы да автомобильләр һәм пассажир автобуслары хәрәкәте өчен ачык. Бу хакта Министрлар Кабинетының телеграм-каналында хәбәр ителә.

Опера җырчысы Айгөл Әхмәтшина 2023 елгы Халыкара опера премиясенең «Ел җырчысы» категориясенә кандидатларның беренчел исемлегенә кергән. Бу категориядә шулай ук Италиядән сопрано тавыш иясе Элеонора Буратто, Латвия меццо-сопраносы Элина Гаранча, Албания сопраносы Эрмонела Яхо, Көньяк Африка сопраносы Голда Шульц һәм Америка сопраносы Коринн Уинтерс тәкъдим ителгән. Бу хакта «Башинформ» яза.

Алексеевск районы кулланучылары өчен Зур Полянка авылында яңа фельдшер-акушерлык пункты һәм халыкка комплекслы хезмәт күрсәтү пункты ачылды. Социаль әһәмиятле объектларны ачуда Татарстан Республикасы авыл хуҗалыгы һәм азык-төлек министры Марат Җәббаров катнашты.

Әтиләр көне алдыннан Казанның 7 нче шәһәр клиник хастаханәсенең 1 нче бала тудыру йортында Арча шәһәреннән Ләйлә һәм Нәҗип Гатауллиннарның күп балалы гаиләсендә туган сабыйның тантаналы чыгарылышы булды.

15 октябрьдә узачак парламент сайлаулары аркасында Польшага гражданнар сугышы яный. Бу хакта илнең элекке президенты Лех Валенса француз журналы Point белән сөйләшүдә белдерде, дип яза «Российская газета».

В образовательных организациях района продолжаются проверки за контролем питания.

Бүген Кызыл Байраклы Жуков орденлы Казан югары танк команда училищесында 500гә якын Казан укучысы ант кабул итте һәм «Юнармия» сафларына керде. Алар — Казанның Совет, Идел буе, Киров һәм Мәскәү районнары укучылары.

Моңа кадәр медиа "Татарстанны Русиядән аерырга чакыручылар йөреше" оештыручылары тоткарлануын хәбәр иткән иде. Моны "Азат Идел-Урал" хәрәкәте координацияли диелде.

Казанда 13 яшьлек кыз бала югалган. «Татар-информ» мәгълүматларына караганда, кыз кичә, 13 октябрьдә, югалган. Бу хакта гариза полициянең «Вишневский» бүлегенә бирелгән, хокук саклау органнары эзләү белән мәшгуль.

Бүген Үзбәкстан Республикасының Фирганә шәһәрендә «Татарча диктант» акциясе башланды. Бу хакта Бөтендөнья татар конгрессы матбугат хезмәте хәбәр итә.

Жительница Нурлата Сатеник Шахназарян половину своей жизни прожила за пределами исторической родины.

Композитор, Татарстанның атказанган сәнгать эшлеклесе, Татарстан Республикасының Габдулла Тукай исемендәге Дәүләт бүләге иясе Шамил Шәрифуллинның (1949-2007) истәлегенә багышлап, Айдар Ниязов җитәкчелегендәге Милли музыка оркестры камера концерты оештырды. Музыкаль кичә Татар әдәбияты тарихы музее һәм Шәриф Камал мемориаль фатиры — Татар китабы йортында үткәрелде.

Татарстанның терлекчелек предприятиеләренә терлек баш саннарын һәм кош-кортларны иминиятләштерергә кирәк. Бу — кош гриппы һәм дуңгызларның африка чумасы белән авыру куркынычы зур булуга бәйле. Дәүләт ярдәме белән чыгымнарның 50 проценты дәүләт тарафыннан компенсацияләнә. Муниципаль район башлыкларына һәм авыл хуҗалыгы предприятиеләре җитәкчеләренә мөрәҗәгать итеп, бу хакта Татарстан авыл хуҗалыгы һәм азык-төлек министры Марат Җәббаров Хөкүмәт Йортында узган киңәшмәдә искә төшерде.

Караульно-Горский сельский дом культуры посетили интересные персонажи - Чебурашка и весёлый Фокусник.

Татарстан җитәкчелеге Татарстан Республикасы Югары Советының план һәм бюджет-финанс комиссиясенең элеккеге рәисе, Татарстан Республикасы Дәүләт Советының бюджет-финанс мәсьәләләре буенча даими комиссиясе җитәкчесе Гелий Кобелев үлеме уңаеннан кайгы уртаклашты. Элеккеге депутат һәм Татарстанның хосусыйлаштыру фонды директоры 85 яшендә вафат булды.

Бакуда 15 октябрь көнне 13.00 сәгатьтә «Татарча диктант» белем бирү акциясе узачак. Татар телендә грамоталылыкны тикшерү чарасы Татарстанның Азәрбайҗан Республикасындагы даими вәкиллеге бинасында үтә. Бу хакта Бөтендөнья татар конгрессы матбугат хезмәте хәбәр итә.

Бүген Казанның «Ак Барс» хоккейчылары Хабаровскиның «Амур» командасын 3:2 исәбенә җиңде. Матч Хабаровск шәһәрендә узды.

Теперь двухэтажное здание школы, включенной в республиканский список исторических памятников, вечерами утопающее в ярком свете, видно издали.

Төркмәнстанның, Ашхабад һәм Мары шәһәрләрендә 17-19 октябрьдә Татарстан Республикасы мәдәнияте көннәре узачак. Өч көн дәвамында Татарстан киносы күрсәтеләчәк, Татарстанның ЮНЕСКО объектлары күргәзмә-презентациясе һәм республиканың әйдәп баручы халык сәнгать кәсепләре осталары эшләнмәләре күргәзмәсе, Татарстан фольклор музыкасы дәүләт ансамбле һәм республиканың әйдәп баручы солистлары катнашында Татарстан сәнгать осталары концертлары тәкъдим ителәчәк.

Татарстанның авыл хуҗалыгы тармагында көн саен 4,5 мең тоннадан артык сөт җитештерелә, бу – 2022 елга караганда 372 тоннага күбрәк (109 процент). Бу хакта Хөкүмәт Йортында узган киңәшмәдә Татарстан Авыл хуҗалыгы министрлыгы башлыгы Марат Җәббаров хәбәр итте.