Новости за 17.10.2023

Бүген Аксубайның үзәк паркында контракт буенча хәрби хезмәткә ярдәм итү өчен «ВСЕ СВОИ» пикеты оештырылды. Бу хакта «Авыл таңнары» хәбәр итә.

«Ватан сакчылары» дәүләт фонды социаль координаторлары хәрби зонадан өйләренә кайткан хәрбиләргә үз урыннарын табарга булыша. Бу хакта фонд филиалы җитәкчесе Гүзәл Удачина «ВСЕ СВОИ» марафонында сөйләде.

Төбәгенә карап, контракт буенча хәрби хезмәт өчен түләү ике тапкыр да артыграк булырга мөмкин.

Татарстан Республикасы Премьер-министры урынбасары Ләйлә Фазлыева «ВСЕ СВОИ» телемарафонында республикада барлык чаралар махсус хәрби операция катнашучылары, ветераннары һәм аларның гаилә әгъзалары киңәшләрен истә тотып әзерләнгәнен әйтте.

«Ярдәм янәшә» республика хәрәкәте җитәкчесе Ринат Фазылов «ВСЕ СВОИ» телемарафонында махсус хәрби операциядә катнашучыларның барысын да җиңү белән кайтуларын көтеп калуларын әйтте.

Татарстан Республикасы мөселманнары Диния нәзарәте мөфтие урынбасары Равил хәзрәт Зөфәров «ВСЕ СВОИ» телемарафонында ватанпәрвәрлек сыйфатлары турында сөйләде.

Казанның Совет районы башлыгы Роман Фәтхетдинов «ВСЕ СВОИ» телемарафонында катнашты.

Авиатөзелеш һәм Яңа Савин районнары администрациясе башлыгы Фәнис Нурмөхәммәтов махсус хәрби операциядә катнашучыларга мөнәсәбәте турында сөйләде.

Бүген ТР Юстиция министрлыгында Законлылык һәм хокук тәртибе комитетының күчмә утырышы булды, анда депутатлар республиканың башкарма хакимият органнарында һәм җирле үзидарә органнарында норматив хокукый актларга һәм аларның проектларына коррупциягә каршы экспертиза үткәрү мәсьәләләре буенча фикер алыштылар. Татарстан Республикасы Дәүләт Советы матбугат хезмәте шул турыда хәбәр итә.

«Ир хезмәт итсә дә, гаилә өчен ташламалар булдырыла, гаилә дәүләт карамагында», – ди «Татарстан ветераннары берлеге» республика оешмасы комитеты рәисе, генерал-майор Александр Бородин. Ул «ВСЕ СВОИ» патриотик марафонында контракт буенча хәрби хезмәтнең горур эш булуы турында сөйләде.

Казан федераль университетында тәрҗемәче белгечлегенә укыган, хәзерге вакытта махсус хәрби операциядә разведчик булып хезмәт итүче Марта Макарова «ВСЕ СВОИ» телемарафонында катнашты.

Татарстан Премьер министры ярдәмчесе Владимир Майстренко «ВСЕ СВОИ» телемарафонында махсус хәрби операциядә катнашучыларның авыр шартларда булуларын әйтте.

Палестина эшмәкәре Аласиби Зияд Курган өлкәсенең Йолдыз авылында яшәүче татарлар фаҗигасе турында белгәч, күптәнге танышы Бөтендөнья татар конгрессының Казан бүлеге җитәкчесе Фәрит Мифтаховка мөрәҗәгать иткән һәм матди ярдәм итәргә теләвен белдергән. Бу хакта Бөтендөнья татар конгрессының матбугат хезмәте хәбәр итә.

Контракт буенча хәрби хезмәткә кабул итә торган «Батыр» үзәге җитәкчесе Владислав Кузнецов ир-атларның контракт төзергә гаиләләре белән бергә килү очраклары булуын әйтте. Бу хакта ул контракт буенча хезмәт күрсәтүгә теләктәшлек итүгә багышланган «ВСЕ СВОИ» беренче телемарафоны барышында сөйләде.

Баулыда яшәүчеләр «ВСЕ СВОИ» киң күләмле акциясенә кушылды. Шәһәрнең үзәк урамнарында Яшьләр үзәге волонтерлары контракт хезмәте турындагы мәгълүмат белән листовкалар таратты.

Яшьләргә спорт-патриотик тәрбия бирү һәм хәрби хезмәткә чакырылуга кадәр әзерләү белән шөгыльләнә торган «Патриот» республика үзәге Татарстан Республикасы Дәүләт автономияле учреждениесе директоры Дмитрий Литвинов хәрби-патриотик тәрбия турында сөйләде.

Чаллыдан китеп, Лисичанскида пешекче булып эшләүче Рөстәм Гатин төрле һөнәр вәкилләрен махсус хәрби операция зонасына барырга өнди. Бу хакта ул «ВСЕ СВОИ» телевизион марафонында Чаллыдан туры элемтә барышында әйтте.

Махсус хәрби операциядә катнашучы взвод командиры, «Батырлык өчен» медале белән бүләкләнгән сержант Алексей Гаврилов үзенең хәрби юлы турында сөйләде.

Чаллы мэры Наил Мәһдиев хәрби хезмәткәрләр гаиләсендә туган баланың исем атасы (крестный) булу үтенечен күп тапкыр кабул иткән. Бу хакта ул контракт буенча хезмәт күрсәтүгә теләктәшлек итүгә багышланган «ВСЕ СВОИ» беренче телемарафоны вакытында хәбәр итте.

Россия Гадәттән тыш хәлләр министрлыгы җитәкчесе Александр Куренков РФ Президенты Владимир Путин йөкләмәсе буенча Кыргызстан хезмәттәшләренә Казанда җитештерелгән Ми-8 вертолетын тапшырды. Бу вертолет янгын сүндерүгә махсуслаштырылган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Казан шәһәре муниципаль берәмлеге Башкарма комитеты Аппаратының социаль сәясәт идарәсе башлыгы Ирина Смирнова «ВСЕ СВОИ» телемарафонында льготалар турында сөйләде.

Разведка ротасы командиры, лейтенант, Батырлык ордены кавалеры Артур Әсхәдуллин махсус хәрби операция территориясендә Татарстаннан килә торган ярдәмнең әһәмиятен әйтте.

Татарстан Республикасы World Investment Forum 2023 VIII Бөтендөнья инвестиция форумында катнаша. Ул 16 октябрьдән 20 октябрьгә кадәр ЮНКТАД химаясында Абу-Дабида уза. Бу хакта Татарстан Инвестицион үсеш агентлыгы хәбәр итә.

Лаеш районыннан Никольский храмы настоятеле иерей Ярослав Филиппов «ВСЕ СВОИ» телемарафонында махсус хәрби операциягә барып кайтуы турында сөйләде.

Татарстан Премьер-министры Алексей Песошин Татарстан Министрлар Кабинетының Республика Рәисе Рөстәм Миңнеханов Юлламасын гамәлгә ашыру буенча комплекслы эш планы турындагы карарына имза куйды. Документ хокукый мәгълүмат порталында чыкты.