Новости за 23.11.2023

Әлмәттә «Геройларның хатыннары» күргәзмәсе ачылды. Проект хәрбиләр өчен ышанычлы тыл, аларның таянычы һәм ярдәме булган хатын-кызларга багышлана. Анда 27 портрет тәкъдим ителде. Бу хакта «Әлмәт таңнары» хәбәр итә.

Мордовия Республикасы Темников районы Митрял авылы китапханәсендә очрашу үтте. Чара Митрял авылы «Сандугачлар» ансамбльнең барлыкка килү тарихы, 2014 елдан бирле төрле чараларда чыгыш ясаучы коллективның иҗади эшчәнлеге турында сөйләүдән башланды.​ Бу хакта «Юлдаш» газетасы хәбәр итте.

Бүген Казанның «Ак Барс» хоккейчылары Пекинның «Куньлунь Ред Стар» командасына 0:1 исәбенә җиңелде. Матч Мытищи шәһәрендә узды.

Россия Хезмәт һәм социаль яклау министрлыгы 2030 елга хезмәт өчен түләүнең минималь күләмен (МРОТ) хезмәткә сәләтле гражданинның яшәү минимумына караганда 1,3 тапкыр артыграк дәрәҗәдә билгеләргә ниятли. Бу хакта РИА Новости агентлыгы хәбәр итә.

Бүген төнлә Татарстанда -15..-20 градуска кадәр суыта, кайбер районнарда томан, урыны белән бераз кар көтелә. Атна ахырында республикада җылытачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстанда картлык буенча иминият пенсиясенең уртача күләме 20,6 мең сумнан артты. Россия Социаль фондының ТР буенча бүлеге идарәчесе Эдуард Вафин ТР Дәүләт Советының 49нчы утырышында шул хакта хәбәр итте, дип яза «Татар-информ» хәбәрчесе Надежда Гордеева.

Ульяновск өлкәсе Иске Кулаткы районының «Чишмә» балалар бакчасы үзенең 40 еллык юбилеен каршы алды. Бу турыда «Өмет» газетасында телеграм-каналында хәбәр ителә.

20-23 ноябрьдә Татарстанда федераль журналистлар өчен матбугат туры узды. Шушы вакыт эчендә алар республиканың соңгы биш елдагы төп казанышлары белән танышты. Матбугат туры 2 декабрьдә Мәскәүдә, Халык хуҗалыгы казанышлары күргәзмәсендә (ВДНХ) узачак «Россия» Халыкара күргәзмә-форумында Төбәк көненә әзерлек кысаларында үткәрелде, дип яза «Татар-информ».

Коръәннең берничә борынгы нөсхәсе һәм башка кыйммәтле, сирәк әдәбият «Татнефть»нең музей коллекцияләрен тулыландырды. Китапларны музейга «ТатНИПИнефть»нең эксперименталь лаборатор тикшеренүләр бүлеге фәнни хезмәткәре Флёра Газиева бүләк итте, дип яза «Татар-информ».

22-26 ноябрьдә Пенза өлкәсенең М.Ю.Лермонтов исемендәге китапханәсендә (Төзүчеләр проспекты, 168А) «Пенза җирендә китаплар дөньясы» дип аталган XV Төбәкара китап күргәзмә-ярминкәсе узачак. Бу хакта Пенза өлкәсе татар милли-мәдәни автономиясенең «ВКонтакте» социаль челтәрендәге төркемендә хәбәр ителә.

4 декабрьдә Казанда эшкуарлар өчен «Игелек хакына бизнес» Бөтенроссия хәйрия форумы узачак, анда Россиянең барлык төбәкләреннән эшмәкәрләр катнаша. Алар арасында Рөстәм Нәбиев, Константин Волжан, Михаил Носов, Игорь Манн кебек халыкара дәрәҗәдә танылган спикерлар бар. Бу хакта «Татар-информ» агентлыгында узган матбугат конференциясендә билгеле булды.

Казанның 28нче гимназиясендә агуланган балаларны хастаханәгә озатканнар. ТР Сәламәтлек саклау министрлыгының матбугат хезмәтендә «Татар-информ» агентлыгына бу мәгълүматны расладылар.

Казан федераль университеты «Милли хәзинә» балалар hәм яшьләр өчен халык иҗаты фестивале үткәрә. 9-11 сыйныф укучылары hәм урта hөнәри белем бирү оешмасы студентлары иҗади эшләрен 1 декабрьгә кадәр онлайн тапшыра ала.

27 ноябрьдә 17.00 сәгатьтә Түбән Новгород шәһәренең «Буревестник» кинотеатрында (Коминтерн урамы, 244) татар халык иҗаты төбәкара фестиваль-концерты була.

Тәкъдимгә карата әйтелгән барлык кимчелекләр каралачак, диде ул.

Быел 15 нче «Һөнәр» яшь режиссура фестивалендә 15 театр 16 спектакль күрсәтәчәк. Шуның икесе остазлык дәресе буларак тәҗрибәле өлкән режиссерларныкы. Фестиваль Кариев театры базасында 1-7 декабрь көннәрендә уза.

Работа по приему уведомлений об отнесении веществ, образуемых при содержании сельскохозяйственных животных, к побочным продуктам животноводства на 2024 год ведётся с 1 октября.

Татарстанда «Елның иң яхшы яшь укытучысы» республика бәйгесенә гаризалар кабул итү тәмамлана. Конкурс 19 октябрьдән 26 ноябрьгә кадәр үткәрелә.

"Высотный альянс" оешмасына Баймак районында төзелеш ташы чыгару өчен 50 һектар җир бүлеп бирелгән, дип сөйли экоактивист Илдар Юмаголов. "Анда авыл кешеләре буыннан-буынга печән чапкан. Җиләк җыялар, ял итәләр. Шушылар урынына анда карьерлар булуын күз алдына китерәсезме?" ди ул.

24 ноября 2023 года татарстанским региональным отделением Общероссийской общественной организации «Ассоциация юристов России» и Всероссийской политической партией «Единая Россия» будет проводиться Всероссийский день оказания бесплатной юридической помощи населению.

Казан хакимияте Инвалидлар ункөнлеге кысаларында аерым гражданнарга социаль ярдәм сыйфатында бер тапкыр 10 мең сум акча түләячәк. Акча шәһәр бюджетыннан бүленәчәк, диелә ТР башкаласы мэриясенең документлар җыентыгында дөнья күргән карарда.

Казан аэропортыннан шәһәргә керү юлында башкала исеме язылган дүрт метр биеклектәге яңа стела урнаштырылачак. Композиция милли орнамент төсләрен берләштергән заманча стильдә башкарылачак. Бу хакта 2024 елда БРИКС илләре саммитын уздыруга әзерлек буенча штаб утырышында шәһәр Башкарма комитеты җитәкчесе урынбасары Игорь Куляжев хәбәр итте, дип яза Казан мэриясе матбугат хезмәте.

Депутат, «Майский» Теплица комбинаты генераль директоры Илшат Ганиев 24 ноябрьдә Казанның Тынычлык бистәсендәге зиратта җирләнәчәк. Хушлашу иртәнге тугызда ТР Дәүләт Советы бинасында узачак.

С деятельностью молокоперерабатывающего завода кооператива ознакомился глава района.

С 1 по 10 декабря будет проходить ежегодный общероссийский Тотальный тест «Доступная среда».