Новости за 20.11.2023

Түбән Камада 24нче лицей-интернат 30 еллыгын билгеләп үтте. Бу вакыйга хөрмәтенә Халык иҗаты йортында бәйрәм концерты узды. Фойеда 24нче лицей-интернат тормышына багышланган күргәзмә әзерләнгән иде. Бу хакта Түбән Кама муниципаль районы рәсми сайтында хәбәр ителә.

Татарстанда автобуслар һәм йөк транспорты хәрәкәте начар һава торышы аркасында федераль трассаларда вакытлыча чикләнгән. Чикләүләр 2023 елның 20 ноябрендә 21.30 сәгатьтән һава шартлары яхшырганчыга кадәр кертелә, дип хәбәр итә Татарстан Дәүләт автоинспекциясендә.

Россиядә җәмәгать транспортын модернизацияләү программасын дәвам итәргә, шулай ук аның темпларын да үстерергә кирәк. Бу хакта яңа техниканы төбәкләргә тапшыру тантанасында РФ Президенты Владимир Путин белдерде.

Тубыл шәһәренең «Игелекле ихтыяр» иҗтимагый оешмасы рәисе урынбасары Диләрә Гадирова Тубыл шәһәренең Мактау китабына кертелде. Шәһәрнең Мактау китабында намуслы хезмәт батырлыгы белән танылган күренекле шәхесләрнең, хезмәт коллективларының исемлеге бар.

Башкортстан Республикасы Язучылар берлеге «Гомер буе китап белән» акциясен башлап җибәрә. Әлеге проект кысаларында Язучылар берлеге республика халкына 3000гә якын китап бүләк итәчәк. Киң күләмле акцияне уздырырырга Башкортстан Республикасы Мәдәният министрлыгы һәм шәхсән министр Әминә Шәфыйкова ярдәм итә. Бу хакта «Башинформ» хәбәр итә.

Истанбулда Бөтендөнья хәләл советы Генераль ассамблеясының 19нчы съезды узды. Әлеге чарада 22 илдән делегацияләр катнашты, ә Россияне ТР мөселманнары Диния нәзарәтенең «Хәләл» стандарты комитеты исеменнән Әхмәт Кыргызбеков тәкъдим итте, дип яза ТР Диния нәзарәте.

Төмәндә Россиянең атказанган геологы, техник фәннәр докторы, Төмән индустриаль университетының диссертация советы рәисе профессор Яраги Корбанов белән очрашу булды. Чара Дагыстан, совет шагыйре Рәсүл Гамзатовның 100 еллыгын бәйрәм итү кысаларында узды. Бу хакта Россия Мөфтиләр шурасы матбугат хезмәте хәбәр итә.

Россия Президенты Владимир Путин «КАМАЗ» ГАҖ предприятиесенә җитештерү куәтләрен даими яңартып торулары өчен рәхмәт белдерде. Заводның базарларга яңа техника үрнәкләре чыгаруы бик мөһим.

Татарстан Рәисе Рөстәм Миңнеханов Кузбассның элеккеге башлыгы Аман Тулеевның вафатына бәйле кайгы уртаклашу белдерде. Телеграмма сәясәтченең хатынына һәм Кемерово өлкәсе җитәкчелегенә җибәрелгән. Бу хакта Татарстан җитәкчесенең матбугат хезмәте хәбәр итә.

Якындагы көннәрдә Татарстанда кар явачак. Ноябрьдә явым-төшем нормасы арттыгы белән үтәләчәк, ә җирдә, ниһаять, кар катламы формалашачак. Бу хакта югары уку йорты медиапорталы КФУның Экология һәм табигатьтән файдалану институты метеорология, климатология һәм экология кафедрасы доценты Тимур Әүхәдиевка сылтама белән хәбәр итә.

Татарстан Дәүләт Советы Рәисе Фәрит Мөхәммәтшин Кемерово өлкәсенең элеккеге башлыгы, танылган иҗтимагый һәм сәяси эшлеклесе Аман Тулеев вафатына бәйле кайгы уртаклашу белдерде. Татарстан парламенты депутатлары исеменнән кайгы уртаклашу телеграммасы Кемерово өлкәсе губернаторы Сергей Цивилев адресына юлланган. Бу хакта Татарстан Дәүләт Советы матбугат хезмәте хәбәр итә.

Әлеге карарны бүген, 20 ноябрьдә үк кабул итүләре бар. Ул чакта чик буе пунктлары 22 ноябрьгә каршы төндә ябылачак.

Мәскәү өлкәсендә Волков мөселман зиратында халык артисты Ренат Ибраһимовка мемориал ачтылар. Чара истәлекле көнгә туры китерелде - бүген җырчыга 76 яшь тулган булыр иде. Татарстанның Россиядәге Тулы вәкаләтле вәкиллеге Телеграм-каналында видеодан өзек белән уртаклашты.

2023 елда Татарстан белән Кытайның товар әйләнеше 14 млрд юаньга җитәргә мөмкин

Татарстан Рәисе Рөстәм Миңнеханов Кытай Халык Республикасының беренче бәйсез транспорт инжиниринг компанияләренең берсе - Shanghai Launch Automotive Technology делегациясе белән очрашты. Делегацияне вице-президент Цзянь Цзе җитәкли. Бу хакта Татарстан җитәкчесенең матбугат хезмәте хәбәр итә.

1992-1993 елларда «Азатлык» татар яшьләре берлегененең Казан бүлеген җитәкләгән Илмир Габидуллин вафат булган. Бу хакта аның дусты, фикердәше Алмаз Галәветдинов хәбәр итте.

18 ноябрьдә Чиләбе өлкәсенең Югары Уфалы шәһәрендә «Татар мәдәнияте көне» бәйрәме булды. Анда Татарстан Республикасы Даими вәкиллеге консультанты Рифат Йосыпов катнашты, дип яза Татарстанның Свердловск өлкәсендәге Даими вәкиллеге матбугат хезмәте.

Татарстан Республикасында һава шартлары начарлана. Шул сәбәпле кисәтү игълан ителде. Бүген һәм иртәгә республикада кар, җепшек кар, бозлы яңгыр көтелә. Юлларда кар көртләре, көчле бозлавык була.

Ежедневный оперативный прогноз возникновения чрезвычайных ситуаций.

Уфада Сәнгать академиясенең Шаляпин залында «Без Мәҗит Гафурины укыйбыз - 2023» Халыкара әдәби-сәнгать конкурсының Гала-концерты узды. Анда Казан җырчысы, «Голос» телепроекты финалисты Сәидә Мөхәммәтҗанова татар һәм башкорт әдәбияты классигы Мәҗит Гафури иҗатын популярлаштырган өчен Мәҗит Гафури исемендәге премия лауреаты булып танылды һәм медальгә ия булды. Бу хакта Сәидәнең әтисе Айрат Мөхәммәтҗанов «Татар-информ»га хәбәр итте.

Күрсәткән батырлыклары өчен махсус хәрби операциядә катнашучыларны төрле дәүләт бүләкләре белән билгеләп үтәләр, аларга бер тапкыр бирелә торган акча да өстәлә, аны РФ Саклану министрлыгы түли. Бу турыда «Татар-информ» яза.

Свердловск өлкәсенең Әрәкәй авылында татар җырын башкаручыларның чираттагы «Яраткан моңнар» төбәкара бәйгесе узды. Бу хакта Бөтендөнья татар конгрессының матбугат хезмәте хәбәр итә.

Участники СВО за боевые отличия поощряются государственными наградами и единовременными выплатами от Министерства обороны РФ.

Эльмира Сираҗи бу хәлләрне Сталин чоры белән чагыштыра: "37нче елда шулай булган бит: ирен халык дошманы дип игълан иткәннәр дә, хатынын да эштән куганнар, аның гаилә әгъзаларын да эзәрлекләгәннәр. Менә нәкъ шундый ук хәл хәзер. Якын көннәрдә мине  эштән җибәрсәләр, бер дә аптырамагыз", ди ул.

Тукай исемендәге Татар дәүләт Филармониясендә Татарстанның халык шагыйре Роберт Миңнуллинның тууына 75 ел тулу уңаеннан искә алу кичәсе узачак. Театральләштерелгән әдәби-музыкаль тамаша 22 ноябрьдә була. Башлана - 18.30 сәгатьтә.