Новости за 16.11.2023

Актанышның 1нче мәктәбендә махсус хәрби операциядә катнашучыларга ярдәм итү өчен хәйрия ярминкәсе узды.Укучылар ясаган эшләнмәләрне беренче сатып алучылар - район мәктәпләренең тәрбия эшләре буенча урынбасарлары, социаль психологлар, мәктәп директорларының тәрбия эше буенча киңәшчеләре булды. Бу хакта «Актаныш» хәбәр итә.

Дәүләт Думасы депутатлары мәктәп укучыларына дәрес вакытында кәрәзле телефон куллануны тыя торган закон проектын беренче укылышта кабул итте. Бары тик укучының тормышы һәм сәламәтлегенә куркыныч янау белән бәйле хәлләр генә искәрмә булып тора. Бу хакта парламентның түбән палатасы сайтында хәбәр ителә.

Бүген Казанның «Ак Барс» хоккейчылары Мәскәүнең «Динамо» командасын 4:1 исәбенә җиңде. Уен Казанда «Татнефть Арена» боз сараенда узды.

20 ноябрьдә 12.00 сәгатьтә Ренат Ибраһимовның туган көнендә Мәскәүнең Волков мөселман зиратында РСФСРның халык артистына мемориаль һәйкәл ачыла. Бу хакта Мәскәү шәһәре татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Россия Хөкүмәте бюджет өлкәсендә эшләүчеләрнең хезмәт хакын арттыру өчен өстәмә рәвештә 5,5 миллиард сумнан артык акча юнәлдерәчәк. РФ Премьер-министры Михаил Мишустин шулай дип белдерде. Искәртеп узабыз, элегрәк РФ Президенты Владимир Путин да бюджет өлкәсендә эшләүчеләрнең хезмәт хакын күтәрергә кушкан иде.

Марий Эл, Чувашия һәм Россиянең башка төбәкләреннән килгән студентлар Казан семинариясендә татар телен өйрәнә. Казан православие рухи семинариясе ректоры, протоиерей Владимир Самойленко Казан православие рухи семинариясенә нигез салынуга 300 ел тулу уңаеннан Татарстан Республикасы V Православие җәмәгатьчелеге форумына багышланган матбугат конференциясендә (ул «Татар-информ» агентлыгында узды) шулай дип белдерде.

Татарстанда табибларга кытлык 1,3 мең кеше тәшкил итә. ТР сәламәтлек саклау министры урынбасары Илдар Фатыйхов ТР Дәүләт Советының Бюджет, салымнар һәм финанслар комитеты утырышында кайсы белгечләргә иң зур ихтыяҗ булуы хакында сөйләде.

Киләсе елдан спорт оешмаларында шөгыльләнгән өчен салым чигерү исәпләнәчәк сумма 150 мең сумга кадәр арта. Вице-премьер Дмитрий Чернышенко «Россия» күргәзмә-форумында Министрлар Кабинетының координацион үзәге павильонында спортны үстерү буенча киңәшмә үткәрде, дип хәбәр ителә Хөкүмәтнең телеграм-каналында.

Татарстанда ветеринария хезмәте һәм төбәктә ныклы эпизоотик иминлекне тәэмин итүдән башка агросәнәгать комплексын үстерү мөмкин түгел. ТР Премьер-министры Алексей Песошин ТР Министрлар Кабинеты Баш ветеринария идарәсенең 30 еллыгына багышланган тантанада шулай дип белдерде.

Әстерхан шәһәренең Вокзал яны мәйданчыгында күп катлы йортның бер өлеше җимерелеп төшкән. Губернатор Игорь Бабушкин Telegram-каналында шул хакта хәбәр итте.

Синоптиклар фаразлавынча, Казанда алдагы ял көннәрендә һава шартларының бозылуы көтелә.

Татарстан Рәисе Рөстәм Миңнеханов «Татарстан Республикасында гражданнарның сәламәтлеген саклау өлкәсендә аерым мәсьәләләрне җайга салу турында»гы законга үзгәрешләр кертте. Төзәтмәләр төбәк башлыгы сайтында урнаштырылган.

Саратовның Милли татар гимназиясе татар теле һәм әдәбияты укытучысы Роза Ибраһимова фикеренчә, укытучы укучы өчен үрнәк булырга тиеш.

ТР Рәисе Рөстәм Миңнеханов «Татарстанда ирекле янгын сагы турында»гы законга үзгәрешләр кертте.

"Имештер Азатлык журналисты Алсу Кормаш ил серләренә керә торган мәгълүмат җыеп йөргән. Янәсе, ниндидер профессордан "мобилизация вакытында сезнең институттан ничә кешене алып киттеләр",  дип сораган. Һәм бу зур җинаять икән. Менә шушы җинаятькә минем дә кагылышым бар ди, имеш", дип сөйли ул.

Оренбург өлкәсе Татар Каргалысы авылы мәктәбе директоры Тәүхидә Низаметдинова яшьләрнең мәктәпләрдә төп фәннәрне укытудан өйдә репетиторлык эшен өстенрәк күрүен сөйләде.

Моңа кадәр республика бюджеты дефицитсыз кабул ителгән иде.

Казанның Левченко бистәсендәге «Сөләйман» мәчетенең ачылышында Татарстан Республикасының Баш казые Җәлил хәзрәт Фазлыев Палестина мәселманнары өчен дога кылды.

2024 ел башыннан хезмәт өчен түләүнең минималь күләмен (МРОТ) 18,5 процентка арттыру турында закон проекты Дәүләт Думасында соңгы укылышны узды. Бу хакта Россия парламентының түбән палатасы матбугат хезмәте хәбәр итә.

1 декабрьдә Самарада 2024 елның истәлекле даталары һәм вакыйгалары урын алган татар календаре дөнья күрәчәк. Төрле елларда ул 5-10 мең данә тираж белән дөнья күрде. Бу юлы, типография хезмәтләренә бәя арту сәбәпле, календарьның тиражы 3 мең данә белән чикләнгән. Бу хакта «Самар татарлары» сайты хәбәр итә.

Соңгы берничә айда Русиядән Финляндиягә тиешле документлары булмаган килеш берничә мең чит ил ватандашы керергә омтылган. Бу - Гыйрак, Сүрия, Йәмән һәм Төркия ватандашлары диелә. Элек Мәскәү бу мигрантларга үз ягыннан чикне үтәргә рөхсәт бирмәде.

Мәскәүдә Балалар эстрада театрында Конфессиара музыка фестивале узды. Бәйрәмдә Татар мәдәни үзәгенең «Шатлык» балалар фольклор ансамбле чыгыш ясады. Татар мәдәни үзәге коллективы катнашучы дипломы һәм кубок белән бүләкләнде. Бу хакта Мәскәү Татар милли-мәдәния мохтарияте матбугат хезмәте хәбәр итә.

2024 елның гыйнварыннан күп фатирлы йортларда яшәүчеләрнең капиталь ремонт өчен кертеме артуы көтелә. Бу хакта «Татар-информ»дагы матбугат конференциясендә Татарстан төзелеш, архитектура һәм торак-коммуналь хуҗалык министрының беренче урынбасары Алексей Фролов хәбәр итте.

Сегодня в районе состоялся конкурс среди организаций АПК по постановке техники на зимнее хранение и подготовке машинно- тракторного парка к ремонтному сезону 2023-2024 годах.

Бүген Татарстан Премьер-министры Алексей Песошин дәүләт ветеринария учреждениеләренә LADA Niva Travel автомобиле ачкычларын тапшырды. Республика Рәисе Рөстәм Миңнеханов карары белән төрле районнарның ветеринарлары 30 машинаны кабул итеп алды. Бу турыда «Татар-информ» хәбәрчесе Надежда Гордеева яза.