Новости за 28.11.2023

Түбән Камада «Түбән Кама гүзәле һәм батыры» бәйгесе җиңүчеләр билгеле булды. Быел фестиваль бишенче тапкыр үткәрелде. Ул иң массакүләм чараларның берсе, беренче этапта 40 укучы, студент һәм эшләүче яшьләр катнашты.

Татарстанда электрон калдыклар һәм пластик эшкәртү системасын җайга салырга кирәк. «Татнефтехиминвест-холдинг» АҖ Директорлар советы утырышында мондый идея белән «АًЦМ» ҖЧҖнең стратегия һәм үсеш буенча директоры Томаш Навратил чыгыш ясады. Утырышны Татарстан Республикасы Рәисе Рөстәм Миңнеханов үткәрде. Бу турыда Татарстан Рәисенең матбугат хезмәте хәбәр итте.

«Татмедиа» акционерлык җәмгыяте редакцияләре журналистлары – «Татар-информ» мәгълүмат агентлыгының татар редакциясе һәм «Интертат» сайты баш мөхәррире Рәмис Латыйпов һәм «Шәһри Казан» верстка белгече һәм дизайнеры Илдар Габидуллин Абхазиядәге «Апснымедиа» республика дәүләт учреждениесенә кергән редакцияләрдә Татарстан тәҗрибәсен җиткерә.

Татарстан Республикасы Авыл хуҗалыгы һәм азык-төлек министрлыгы өч яшьтән зуррак булган бияләр тотуга чыгымнар өлешен каплау өчен субсидия бирә. Акча бер башка 5 мең сум исәбеннән санала. Бу турыда министрлык сайтында язылган.

2024 елда Уфада милли театрларның «Туганлык» халыкара фестивале узачак. Башкортстан Республикасы башлыгы шул хактагы карарны агымдагы елның 23 ноябрендә имзалаган, ул хокукый мәгълүматның рәсми порталында чыкты. Бу турыда «Башинформ» хәбәр итә.

Казан медицина көллияте укытучысы, М.Н. Садыйков исемендәге Шәһәр клиник хастаханәсе № 7 шәфкать туташы Айгөл Гарипова «Профессионаллар» һөнәри осталык буенча чемпионатының «Медицина һәм социаль карау» компетенциясендә беренче булды. Бу турыда Татарстан Сәламәтлек саклау министрлыгы хәбәр итте.

Сургутта Сити Молл сәүдә үзәгендә хакимият ярдәмендә коммерцияле булмаган оешмаларның проектлары күргәзмәсе узды. Бу хакта Сургут татарлары милли-мәдәни мохтариятенең «ВКонтакте» социаль челтәрендәге сәхифәсендә хәбәр ителә.

6 декабрьдә Мәскәүдә Бөек Ватан сугышы ветераны, армия генералы Мәхмүт Гәрәевкә багышланган искә алу кичәсе узачак. Совет һәм Россия хәрби җитәкчесенә 2023 елның июлендә 100 яшь тулган булыр иде, ул 2019 елда вафат булды.

Азәрбайҗанда Татарстан делегациясе катнашында Татар мәгарифе көннәре узды. Делегация составына Татарстан Мәгариф һәм фән министрлыгы вәкилләре, Казан федераль университеты, Татарстан Мәгариф үсеше институты галимнәре, Казанның мәгариф оешмалары җитәкчеләре керде. Бу хакта Татарстан Мәгариф һәм фән министрлыгы хәбәр итә.

Самара өлкәсендә «Әлифба» авторы Сәләй Вәгыйзов музей-йортына 7 ел булды. Татар әлифбасы авторының Камышлы районы Татар Байтуганы авылында музей комплексы 2016 елның 18 ноябрендә ачылган иде. Бу хакта «Самара татарлары» сайтында хәбәр ителә.

Әниләр көнендә Краснодар «Болгар-К» татар җәмгыятенең «Мирас» кул эшләре татар клубы шәһәрнең Милли мәдәниятләр үзәгендә «Калфак» мастер-классын уздырды. Бу хакта «ВКонтакте» социаль челтәрендәге «Краснодар татарлары» сәхифәсендә хәбәр ителә.

Зур һәм күп балалы гаилә Россиянең барлык халыклары өчен нормага әверелергә тиеш. Бу хакта Россия Президенты Владимир Путин Бөтендөнья рус халык соборының пленар сессиясендә әйтте.

Бүген «Татарстанның эшлекле хезмәттәшләре» форумының пленар утырышы кысаларында Татарстан Республикасы Рәисе Рөстәм Миңнеханов дәүләт бүләкләрен тапшырды.

Татарстан БРИКС саммитына Казанны төзекләндерү өчен 6,5 млрд сум акча бүлеп бирде. Ул Казанда 2024 елның октябрендә узачак. 26 маршрутны төзекләндерү һәм шәһәргә керү юлында яңа стела урнаштыру планлаштырыла. Татарстан спикерлары «Эксперт клубы» мәйданчыгында саммит уздыруның шәһәргә нәрсә бирәчәге турында фикерләре белән уртаклашты.

Благотворительный фонд имени Наташи Едыкиной приглашает на творческие мероприятия.

Бер көн элек, 27 ноябрьдә мобилизацияләнгәннәрнең туганнары вакыты чикләнмәгән мобилизациягә каршы манифест һәм петиция язды, алар ирләрне өйгә кайтаруны таләп итә.

Татарстанның халык шагыйре Зиннур Мансуров Гадел Кутуйның каберенә зиярәт кылган вакыттагы истәлекләрен сөйләде. Ул Польшаның Згеж шәһәрендәге зиратта Гадел Кутуйның каберен төзекләндерү кирәклеген әйтте.

Чистай өязен өйрәнгән галимнәр, язучылар һәм җәмәгать эшлеклеләре Чистайда татар халкының бөек шәхесләре белән бәйле урыннарны саклау һәм музейлар ачу тәкъдиме белән чыгалар.

Нижнее Алькеево (Түбән Әлки аылы) — село в Алькеевском районе Республики Татарстан. Административный центр Нижнеалькеевского сельского поселения. Село Нижнее Алькеево было основано в 1677—1678 годах, по некоторым предположениям, переселенцами из деревни Альмурзино и из Свияжского уезда. Окрестности села были обитаемы… Далее

Классик язучы Гадел Кутуйның 120 еллыгы уңаеннан, ул яшәгән йортта (Мөштәри урамы 33 йорт) яңартылган истәлек тактасы ачылды. Язучы әлеге йортта 1929-1942 елларда яшәгән. Истәлек тактасының яңартылган варианты скульптура композициясе буларак – барельеф белән берлектә тәкъдим ителде. Барельефта Гадел Кутуй һәм аның әсәрләреннән күренешләр сурәтләнгән.

Самараның «Бердәмлек» газетасында Эльмира Сәйфуллинаның «Вәсимә Фәрдиева «Заманы» дигән язмасы чыкты.

Шәһәр хакимиятләре бәяләрнең артуын азык-төлекнең кыйбатлануы белән аңлата.

Россия Дәүләт Думасының икътисади сәясәт комитеты рәисе Максим Топилин бар кешене дә Мәскәүдә Халык хуҗалыгы казанышлары күргәзмәсенең «Россия» күргәзмәсендә Татарстан павильонына барырга чакырды.

Ел башыннан бирле Татарстанның 18 яшьтән өлкәнрәк 16,3 мең кешесе беренче тапкыр инвалид дип танылган. Бу —узган елның шул ук чорына караганда 3 мең кешегә күбрәк. Бүген Казанда узган брифингта «Татарстан Республикасы буенча медик-социаль экспертиза баш бюросы» учреждениесенең эксперт эше буенча җитәкче урынбасары Ольга Пузанова шундый мәгълүмат җиткерде.

Сельскохозяйственное потребительское объединение насчитывает 312 членов.