Новости за 02.11.2023

Теләче районында махсус хәрби операциядә катнашучыларга ярдәм итүгә багышланган чаралар уздыру дәвам итә. Әлеге изге эшкә район үзәк китапханәсендә эшләүче кызлар бердәм кушылып, токмач кисте. Бу хакта «Теләче-информ» хәбәр итә.

Новокузнецкиның «Чулпан» мәчетендә төп намаз залы файдалануга тапшырылды. Анда мәхәллә кешеләре ярдәме белән идәнне монтажлау һәм җылыту системасына тоташтыру эшләре башкарылды. Бу хакта Россия мөселманнары Дини җыенының матбугат хезмәте хәбәр итә.

Краснодарның «Болгар-К» татар җәмгыяте Татар мәдәнияте фестиваленә чакыра. Бу хакта «Вконтакте» социаль челтәрендә «Краснодар татарлары» сәхифәсендә хәбәр ителә.

Татарстаннан мобилизацияләнгәннәр һәм хәрби хезмәткә чакырылучылар (призывниклар) контракт төзегән очракта түләү тәртибе расланды. Акчаны 2023 елның 31 августыннан соң, ләкин 31 декабрьдән дә соңга калмыйча контракт төзүчеләр алачак. Бу хакта Татарстан Хөкүмәте карарында әйтелә.

Татарстанда тотрыклы кар катламы ноябрь ахырында гына барлыкка киләчәк. Бу хакта Казан мэриясенең матбугат хезмәте «Метео» фаразлау үзәге җитәкчесе Александр Шуваловка сылтама белән хәбәр итә.

Бүген Татарстан Дәүләт Советы кабул иткән закон проектында сүз ЗАГСлар турында бармый. Шулай итеп, закон инициативасы турындагы мәгълүматны «Татар-информ»га Татарстан Министрлар Кабинетының ЗАГС идарәсе җитәкчесе Гөлшат Нигъмәтуллина шәрехләде.

«Многоликая Россия» XIV Бөтенроссия журналистлар конкурсы - милләтара мөнәсәбәтләрне үстерү темасына ихтыяҗны аңлау өчен тагын бер мөмкинлек. Бәйге җиңүчеләрен бүләкләүдә «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев шул хакта әйтте. Бу турыда «Татар-информ» хәбәрчесе яза.

Казанда «Многоликая Россия» XIV Бөтенроссия журналистлар конкурсында җиңүчеләрне һәм призерларны бүләкләделәр. Бүләкләрне тапшыру тантанасы Бәшир Рәмиев исемендәге IT-паркта узды. Бу турыда «Татар-информ» хәбәрчесе яза.

Татарстан Дәүләт Советы Рәисе Фәрит Мөхәммәтшин Казанда Дәүләт Думасының Милләтләр эшләре комитеты рәисе Геннадий Семигин белән очрашты. Бу хакта республика Парламентының матбугат хезмәте хәбәр итә.

Россия Президенты Владимир Путин Министрлар Кабинетына бензин бәяләрен тотрыкландырырга кушты. Дәүләт башлыгы «бензин бәяләрен» тотрыкландыру турында 10 ноябрьгә һәм 8 декабрьгә кадәр ике доклад көтә.

Бүген Казанның «Ак Барс» хоккейчылары Уфаның «Салават Юлаев» командасына 1:3 исәбенә оттырды. Матч Уфада узды.

Төркиянең Бартын университеты әдәбият факультетындагы заманча төрки телләр һәм әдәбиятлар бүлегендә конференция булган. Конференцияне бүлек җитәкчесе, профессор Алсу Камалиева оештырган. Чарада КФУның Халыкара мөнәсәбәтләр институтының Көнчыгышны өйрәнү югары мәктәбе директоры, доцент Эльмира Хәбибуллина Казан тюркология мәктәбе турында чыгыш ясаган.

Казанда «Многоликая Россия» XIV Бөтенроссия журналистлар конкурсында җиңүчеләрне һәм призерларны бүләкләделәр. Гран-прины республика Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин тапшырды.

Бүген Бәшир Рәмиев исемендәге IT-парк бинасында «Россия халыкларының милли бәйрәмнәре» IX Бөтенроссия фотоконкурсында җиңүчеләрне бүләкләделәр. Тантана «Многоликая Россия» XIV Бөтенроссия журналистлар конкурсына йомгак ясау кысаларында узды.

Федераль салым хезмәте базасында Николай Патрушевны Луков Евгений Фёдор улы исеме астында яшергәннәр. Рәсми декларацияләргә ярашлы, Дмитрий Патрушев Русия хөкүмәтендәге иң бай кешеләрнең берсе. 2021 елда аның кереме 121 миллион сум булган.

Иҗтимагый палатаның Россиядә өченче бала туган яки уллыкка алган өчен «ата» яки «күп балалы» капиталын кертү тәкъдиме яхшы, әмма моның өчен исәпләргә, кайдан акча алырга икәнен аңларга кирәк. Бу хакта РИА Новости Федерация Советының Конституцион законнар һәм дәүләт төзелеше буенча комитет әгъзасы Александр Башкинга сылтама белән хәбәр итә.

Татарстан Дәүләт Советы Рәисе Фәрит Мөхәммәтшин Элемтә, мәгълүмат технологияләре һәм массакүләм коммуникацияләр федераль хезмәтенең (Роскомнадзор) Татарстан буенча идарәсе җитәкчесе Юрий Никитиннан социаль челтәрләрдә деструктив мәгълүматка контрольне көчәйтүне сорады. Бу хакта парламент җитәкчесе Дәүләт Советының 48нче утырышында белдерде.

Ул бу хәлгә төшүдә түрәләрне гаепләде

Ноябрьнең беренче декадасында Татарстанда уртача һава температурасы нормадан 4 градуска югарырак булыр дип көтелә. Бу хакта республиканың Гидрометүзәге хәбәр итә.

Махсус хәрби операциядә катнашучы хәрби пенсионерларга индексацияне исәпкә алып, ноябрьдән автомат рәвештә тулы компенсация түли башлаячаклар. Бу хакта Россия Саклану министрлыгы хәбәр итә.

Мәскәү татарлары мохтариятенең туган телен саклау проектлары илнең 22 төбәгенең «Милләт горурлыгы» IV Бөтенроссия иҗтимагый премиясе лауреатлары арасына керде. Алар Россия халыкларының этномәдәни үсешенә һәм бердәмлеген ныгытуга керткән өлеше өчен билгеләп үтелде. Бу хакта оешманың матбугат хезмәте хәбәр итә.

Ул республиканың Роскомнадзор башлыгына фейкларга каршы җитезрәк эшләргә, ФСБ белән бергә көрәшергә кушты.

Татарстан хирургы Рафаэль Габдрахмановка Батырлык ордены тапшырдылар. Ул махсус хәрби операция зонасында эшли.

Ежедневный оперативный прогноз возникновения чрезвычайных ситуаций.

«Апуш» татар балалар театр студиясе шәкертләре хәзерге вакытта Мәскәүдә VI Зур балалар фестивалендә катнаша. Фестиваль кысаларында алар Россиянең халык артисты, Россиянең Дәүләт премиясе лауреаты, Мәскәү Губерна театрының сәнгать җитәкчесе Сергей Безруков белән очрашкан.