Доллар бәясе бу атнада икенче тапкыр 100 сумнан артты
Бүген, 5 октябрьдә, доллар бәясе Мәскәү биржасында валюта сату-алу вакытында бу атнада икенче тапкыр 100 сумнан артты.
Мәскәү вакыты 18.00 сәгатьтә доллар, 73 тиенгә артып, 100,31 сумга сатылды. 18.30 сәгатьтә Америка валютасы 100,265 сумга кадәр арзанайды.
Үз чиратында, 18.30 сәгатьтә евро бәясе, бер сум да 14 тиенгә артып, 105,905 сумга җитте.
Россия валютасының бәясе РФ Президенты Владимир Путинның «Валдай» дискуссия клубы пленар сессиясендә чыгыш ясау фонында түбән тәгәрәде (аның чыгышы Кремль сайтында трансляцияләнде).