Дума 2024 елда дәүләт хезмәткәрләре хезмәт хакын индексацияләүдән баш тартуны хуплады

Дәүләт Думасы беренче укылышта киләсе елда судьялар, дәүләт хезмәткәрләре, полиция хезмәткәрләре һәм хәрбиләрнең хезмәт хакын индексацияләүдән баш тарту турында закон проектын кабул итте. Бу — парламентның түбән палатасы мәгълүмат базасында күренә.

«Закон проекты 2024 елда Россия Федерациясе тарафыннан федераль законнар һәм башка норматив хокукый актлар белән билгеләнгән барлык кабул ителгән йөкләмәләрне шартсыз үтәү мөмкинлеген тәэмин итүгә юнәлдерелгән», — диелә законга аңлатма язуында.

Элегрәк билгеле булганча, бүген Дәүләт Думасы беренче укылышта 2024 елның 1 гыйнварыннан минималь хезмәт хакы күләмен 19 242 сумга кадәр арттыру турында закон проектын кабул иткән. Алдан әлеге йөкләмәне Россия Президенты Владимир Путин биргән иде.