Түбән Новгородта Этикет мәктәбендә балаларны Тукай иҗаты белән таныштырганнар
Түбән Новгородта «Бердәм Россия» партиясе штабында балалар өчен Этикет мәктәбенең яңа төркеме белән беренче дәрес булды. Балалар белән татар телендә әдәпле сүзләр — иң гади сәламләү һәм рәхмәт сүзләрен өйрәнә башладылар, дип хәбәр ителә Түбән Новгород өлкәсе татарларының милли-мәдәни автономиясе сайтында.
Дәрестә «Этикетның барлыкка килү тарихы. Әдәпле сүзләр» темасына булды. Чәй эчкәндә Габдулла Тукай иҗаты турында сөйләделәр. Аларның әти-әниләренә Тукай биографиясен укырга киңәш ителде, диелә хәбәрдә.
«Бердәм Россия» штабы җитәкчелегенә бирелгән бина һәм игелекле мөнәсәбәт өчен рәхмәт белдерәбез, балаларга биредә бик ошый!», диелгән хәбәрдә.