Татарстанда +13 градуска кадәр җылы көтелә

Иртәгә Татарстан территориясендә кар һәм бураннар фаразлана, әмма атна уртасыннан явым-төшемсез бик җылы һава торышы урнашачак. Бу хакта республиканың Гидрометеорология үзәге хәбәр итә.

Иртәгә, 31 октябрьдә, яңгыр, буран, бозлавык, томан һәм көчәючән җил көтелә. Синоптиклар шулай ук бозлы яңгыр һәм җепшек кар турында кисәтә. Һава температурасы -5 градустан 0 градуска кадәр тәшкил итәчәк, көндез термометр баганалары 16 градуска кадәр күтәрелә, ә көньякта 9 градус фаразлана.

1 ноябрьдә циклон көнчыгышка китә башлый. Шуңа бәйле рәвештә явым-төшем ихтималы аз булачак. Томан көтелә, төнге сәгатьләрдә һава температурасы -1дән +2 градуска кадәр җитәчәк. Көндез һава +7...+12 градуска кадәр җылына.

Пәнҗешәмбе көнне җылы һава торышы сакланачак. Төнлә явым-төшем көтелми, әмма көндез бераз яңгырлар булырга мөмкин. Төнлә 2дән 7 градуска кадәр һәм көндез 8дән 13 градуска кадәр җылы фаразлана.

Моннан тыш, синоптиклар бу көннәрдә атмосфера басымы үзгәрү мөмкинлеге турында кисәтә.

Якынча мәгълүмат буенча, 3 ноябрьдә +3тән +8 градуска кадәр җылы һәм яңгыр көтелә. Шимбә көнне, 4 ноябрьдә, Татарстанда суыта: төнлә 0дан -2гә кадәр, көндез 0дан +5кә кадәр була.