«Газпром» Россиядә кышкы температура 2022 елдагы кебек үк булыр, дип фаразлый
«Газпром» Россиядә алдагы кышны температура дәрәҗәсе ягыннан 2022 елдагы кебек үк булыр дип көтә. Әлеге белдерүне холдинг башлыгы урынбасары Виталий Маркелов ясады. Ул бу сүзләрне Санкт-Петербургта узган Халыкара газ форумында яңгыратты.
Һава торышы буенча көтелгән фаразларны спикер идарәдә игълан итте, дип яза ТАСС. Бернинди дә кардиналь үзгәрешләр булмаячак, дип ышандыра Маркелов. Аерма «плюс-минус» бер градус тәшкил итәчәк. Башкача әйткәндә, россиялеләрне узган елгы кебек үк кыш көтә.
Шунысын да өстәргә кирәк, «Россия газ гиганты» җитәкчесе Алексей Миллер элегрәк 2023-2024 елларның көзе һәм кышына Россиядә газ запаслары рекордлы күләмгә — 72,8 млрд куб.м. га җитә дип белдергән иде. План кысаларында каралган профилактика эшләре «Газпром» тарафыннан башкарылган.