Чит ил машина йөртү таныклыгын алмаштырганда Россиядә яңадан имтихан бирергә кирәк була
2024 елның 1 апреленнән яңа закон үз көченә керәчәк, аның кысаларында Россиядә кайбер очракларда машина йөртү таныклыгын гамәлдән чыккан дип таный башлаячаклар. Бу хакта республика Дәүләт автоинспекциясендә хәбәр иттеләр.
Закон буенча чит ил машина йөртү таныклыклары Россиядә автомобильләр белән идарә итү таныклыгы аны алу көненнән соң бер ел узгач, гамәлдән чыгачак. Быелгы хисапның срогы булып үзгәрешләрнең үз көченә керү датасы 2024 елның 1 апреле булып санала.
Шулай итеп, әгәр чит ил гражданины яшәүгә рөхсәт яки Россия паспортын 2024 елның 1 апреленә кадәр алган булса һәм бу датага кадәр илкүләм машина йөртү таныклыгын алса, алар ел дәвамында имтиханнар тапшырмыйча Россия машина йөртү таныклыгына алыштыра алачак.
Әгәр чит ил кешесенең Россиядә яшәргә рөхсәте, РФ паспорты булмаса, алар «М», «А», «В» категориясе йөртү таныклыгын имтихан тапшырганнан соң гына алыштыра алачак, ә Россия таныклыгының «С», «D», «СЕ», «DЕ» категорияләрен Россия территориясендә укулар узгач кына алачак.