Татарстанда торакны файдалануга тапшыру планы 97,5 процентка үтәлгән
Татарстан Республикасында торакны файдалануга тапшыру планы 97,5 процентка үтәлгән. Төзүчеләр 3 миллион 23 мең квадрат метр торак сафка бастырган. ТР төзелеш, архитектура һәм ТКХ министры Марат Айзатуллин Хөкүмәт йортында узган киңәшмәдә шулай дип белдерде.
Барлыгы 1 миллион 208 мең квадрат метр коммерцияле торак файдалануга тапшырылган – бу 151 күп фатирлы йорт дигән сүз. План 85 процентка үтәлгән.
Социаль ипотека программасы буенча гомуми мәйданы 147 мең квадрат метр тәшкил иткән 61 йорт төзелгән. Еллык план 91 процентка үтәлгән.
Республиканың барлык районнары белән видеоконференция элемтәсе режимындагы киңәшмәне ТР Премьер-министры Алексей Песошин үткәрде. Бу хакта ТР Рәисенең матбугат хезмәте хәбәр итә.