Искәндәр Гыйләҗев: Шәхес - милләтне алга алып баручы төп көч

Тарих фәннәре докторы, профессор Искәндәр Гыйләҗев киләсе елны Шәхесләр елы дип игълан итүгә карата үз фикерен әйтте.

"Минемчә, бик кирәкле, әһәмиятле һәм файдалы карар. Без шәхесләрне күтәрергә тырышыбыз, чөнки шәхес - милләтне алга алып баручы төп көч. Шәхес милләтнең үсешен хәл итә, халыкка үрнәк булып тора һәм халыкны үз артыннан алып бара. Һәр өлкәдә шәхес кирәк. Без заманында "Күренекле шәхесләребез" дигән видеопроект башлаган идек, ул уңышлы булды. Бу эш дәвам итәр, дип өметләнәбез", - дип сөйләде ул "Татар-информ" хәбәрчесенә.

Ул шәхесләр елына зур өметләр белән каравын әйтте. Тарихчы төрле өлкәдәге шәхесләргә багышланган чаралар булырга тиеш дигән фикердә. "Аерым шәхесләргә багышланган конференцияләр, яңа басмалар, яңа эзләнүләр булыр», – диде ул.