Ачасемпе çемьесене тимлĕх уйăрмалла
Шутлă кунсем юлчĕç. Эрнекун Чăваш Ен Пуçлăхĕ Олег Николаев Чăваш Республикин Патшалăх Канашне çырупа тухать. Унта мĕнле ыйтусем пулаççĕ? Хăш тытăм пирки ытларах калаçĕç? Чăваш Енре пурăнакансем çак çыруран мĕн кĕтнине эпир те уçăмлатрăмăр. АЛЕВТИНА ФЕДОРОВА: «Çак посланинче çемьесене пулăшмалли пирки, ачасене тĕрлĕ лайăх мероприятисем туса памалли пирки калаççĕ пуль тесе шухăшлатăп. Çемьесене пулăшасси пирки питĕ нумай ĕçлеççĕ. Пĕлтĕрхи Посланине пăхса тухсан унта кăтартса хăварнă мероприятисем пурнăçа кĕнĕ, шухăша кĕнĕ. Пĕлтĕр питĕ нумай шкулсене, садиксене ремонт тумалли пирки калаçнă, пĕчĕк ачасем валли садиксем хута ямалли пирки калаçнăччĕ. Чăнах та, çак ĕçсене пурне те шухăша кĕртнĕ».