Литванија навести можни европски санкции и за Србија и Турција поради Украина
„Мора да постои многу јасна порака до секоја трета земја која ѝ помага на Русија да ги заобиколи санкциите, дека истите санкции може да ги примениме и врз таа земја“, рече тој, одговарајќи на новинарско прашање како ЕУ ќе обезбеди санкциите да се заобиколуваат преку Србија или Турција.
„Мора да бидеме многу сериозно во врска со тоа. Во прашање е нашиот кредибилитет“, предупреди шефот на литванската дипломатија.
Зборувајќи во пресрет на состанокот на европските министри за надворешни работи од ЕУ, Ландсбергис нагласи дека ЕУ никогаш досега не вовела олку голем обем на рестриктивни мерки. Тоа е причината зошто тој смета дека е потребно формирање на посебно тело кое би се занимавало исклучиво со надзорот и спроведувањето на европските санкции.
Лошата комуникација - една од причините за застојот на руската инвазија во Украина
Србија и Турција се единствените преостанати воздушни рути преку кои од Русија се оди понатаму во одморалиштата и градовите ширум Западна Европа, откако Унијата на 27 март го затвори својот воздушен простор за сите руски авиони, вклучувајќи ги и приватните кои се во сопственост на руски државјани, како и авионите регистрирани во таа земја.
Србија и Турција се кандидати за членство во ЕУ. Додека преговорите за членство со Турција се замрзнати од 2016 година, Србија е длабоко во процесот на пристапни преговори.
Србија не воведе санкции против Русија во согласност со одлуката на ЕУ, која од почетокот на руската инвазија врз Украина воведе четири рунди санкции против Москва.