د خوست ښار په ۱۱ څلور لارو او عمومي سړکونو، ټرافیکي څراغونه نصب او فعال شوي دي. ځايي اوسېدونکي د دې کار هرکلی کوي او تمه څرګندوي چې له دې سره به په ښار کې د ګاډو تګ راتګ منظم شي چې ورسره به یې ګڼه ګوڼه کنټرول شي. د افغانستان له لویو ښارونو پرته، په نورو ډېریو ښارونو کې لا ټرافیکي څراغونه نه دي لګېدلي. نور په دې رپورټ کې.
د "هنري ټولنې" په نوم د ناحکومتي سازمان عمومي سېکرټر او سندرغاړي فضل وهاب درد د مارچ پر ۱۷مه مشال راډيو ته وويل، غواړي چې ژر د نوي حکومت له چارواکو سره ژر وګوري او د هنرمندانو مهمې ستونزې ورته مخې ته کېږدي.
د پاکستان د بهرنیو چارو وزیر اسحاق ډار د مارچ پر ۱۶مه د طالبانو د حکومت د بهرنیو چارو له سرپرست وزیر امیر خان متقي سره تر ټېلېفوني خبرو وروسته پر اېکس لیکلي چې له افغانستان سره "د ارتباطاتو، سوداګرۍ، امنیت، د ترهګرۍ پر وړاندې د مبارزې او د خلکو ترمینځ د اړیکو پراخول یې له مهمو لومړیتوبونو یو دی."
دراني د مارچ پر ۱۶مه په اسلام اباد کې د پاکستان د سولې د مطالعاتو مرکز په کوربه توب د "افغانستان سوله او پخلاینه: د پاکستان ګټې او د تګلارې واک" په نوم د بحث په ۱۲مه ناسته کې بې له ثبوت ورکولو دعوه وکړه چې که د هغو وسلوالو د کورنۍ غړي ورشامل شي نو ټول شمېر "۷۰،۰۰۰ ته لوړېږي."
له ۲۰۲۴ز کال څخه د پاکستان سېنېټ ټول ۹۶ غړي لري چې ورڅخه یې هره صوبه ۱۴ عمومي څوکۍ او نهه ځانګړې څوکۍ لري. د ایین له مخې، هره صوبه د څلورو پوهانو یا د خپلو څانګو متخصصانو، چې ټېکنوکراټان بلل کېږي، او دیني عالمانو، څلور د ښځو او یو مذهبي لږکي څوکۍ لري.
د افغانستان له پلازمېنې سره نېږدې په یو کیمپ کې شاوخوا ۸۰ کورنۍ مېشتې دي چې په وروستیو کې له پاکستانه ستنې شوې وې. پاکستان د ۲۰۲۳ز کال د نومبر له پیل راهیسې د بې اسناده بهرنیانو، چې غوڅ اکثریت یې افغانان دي، د ایستلو عمل پیل کړ. زیاتره افغانان خپل هېواد ته پر ستنېدو سربېره هلته د بېکورۍ ژوند تېرولو ته اړ دي. د اسوشيېټېډ پرېس اژانس له ویډیو جوړ رپورټ.
د عراق د کورواکه کردستان له سنجار سیمې ۱۰ کاله وړاندې د اسلامي دولت يا داعش وسلوالې ډلې سلګونه یزیدۍ نجونې تښتولې وې چې په شام او عراق کې د هغې ډلې له ماتې خوړولو وروسته یې ګڼ شمېر خپلو سیمو ته ستنې شوې دي. په هغوی کې يوه نجلۍ کوفان ایدو هم شامله وه چې خپلې سیمې ته په ستندېدو یې خپلوانو تود هرکلی کړی دی. کوفان د داعش په ولکه کې دوه ماشومان زېږولي خو د قانون له مخې ماشومان یې له هغې سره نه شي پاتې کيدلی. که څه هم نوموړې خوشې کېدو ته خوشاله ده خو وايي له ماشومانو پرته ژوند ورته ډېر ګران دی. د اسوشيېټېډ... Читать дальше...